Heiðarlega komið fram - skattahækkunum lofað

Steingrímur J. Sigfússon má eiga það að hann kemur heiðarlega fram og lofar skattahækkunum. Það er ákveðinn kostur við stjórnmálamann að segja kjósendum á hverju þeir eiga von.

Nú geisar atvinnuleysi og verðbólga en saman eru þessir stuðlar stundum nefndir "the misery index" Lengi vel voru tölurnar 2% á Íslandi og stuðullinn því 4. Nú hefur verðbólgan verið 15-17% og atvinnuleysið er að snerta 10%. Stuðullinn gæti því verið 25.

Ofan á skuldasúpu og launabrest megum við eiga von á því að þeir sem enn hafa góð laun fái auka-kjaraskerðingu. Nú er það svo að margar fjölskyldur eru afar skuldsettar og berjast því fyrir því að geta borgað af lánunum. Þetta gera menn oft þó auðveldara væri að lýsa sig gjaldþrota. Ekki er víst að aukin skattheimta skili miklu í kassann en hún mun örugglega letja menn til aukavinnu. Skattar á Íslandi eru háir og vandinn liggur ekki síst í mikilli eyðslu ríkisins sem þandist út á vakt Sjálfstæðisflokksins, Framsóknar og Samfylkingar.  Það er ekki víst að VG sé líklegasti flokkurinn til að ná þenslu ríkisins niður miðað við skattahugmyndir formannsins- fyrir kosningar.

3% skattur á 500 þúsund

Athugasemdir

[Jón Sævar Jónsson, 23.3.2009 kl. 23:04]

Hvernig vill Eyþór "afla tekna" til að borga skildir ríkissjóða?

[Jón Sævar Jónsson, 23.3.2009 kl. 23:05]

Afsakið stafsetningarvilla!

Hvernig vill Eyþór "afla tekna" til að borga skuldir ríkissjóða?

[Guðmundur St Ragnarsson, 23.3.2009 kl. 23:41]

Mér líkar það vel þegar stjórnmálamenn segja hlutina eins og þeir eru/voru. Það ber að hrósa þér fyrir það Eyþór að viðurkenna að ríkisbáknið þandist út á vakt þinna (og minna) manna. Ég er orðinn leiður á stjórnmálamönnum sem beita endalausum MORFÍS æfingum þegar rædd eru mistök fortíðar.

[Friðrik Hansen Guðmundsson, 24.3.2009 kl. 00:37]

Ég held við verðum að fara að horfast í augu við það Eyþór að það sem við eigum eftir ólifað þá munum við búa við mjög skert líkskjör miðað við það sem annars hefði verið ef ekki hefði bankahrunið komið til. Ekki bara hefur glatast gríðarlegt fé heldur er þjóðin allt í einu orðin stórskuldug. Icesave upp á 50 til 500 milljarða og krónubréf upp á 400 til  500 milljarða, allt fjármálagjörningar sem bankarnir kokkuðu upp til að ná sér í rekstrarfé og þjóðin var sett sem ábekkingur.

Þetta verðum við að borga og ekki ætlum við að skera niður heilbrigðiskerfið eða hætta að mennta börnin okkar.

Eitt er víst að Alþjóða gjaldeyrissjóðurinn mun tryggja að við borgum vexti og afborgarnir af okkar erlendu lánum. Það er skilyrði fyrir lánum frá þeim.

Hvað er þá til bragðs?

Hvernig eigum við að afla tekna í ríkissjóð til að reka skólana og sjúkrahúsin? Núverandi tekjustofnar eru að hrinja eins og þú sjálfsagt þekkir úr þínu sveitarfélagi.

Ég gerði mér grein fyrir því 7. október að næstu árin væri ekkert annað framundan hjá okkur Íslendingum annað en lækkandi lífskjör, niðurskurður hjá hinu opinbera og hækkun skatta til að halda lámarks þjónustu gangandi.

Mikil er ábyrgð þeirra manna sem með aðgerðum og aðgerðarleysi komu okkur í þessa stöðu.

[Valsól (IP-tala skráð) 24.3.2009 kl. 01:19]

Það var aldrei neitt leyndarmál og það veistu sjálfur nema vera búinn að gleyma því að Sjálfstæðismenn hækkuðu skatta um 1% fyrir áramót á alla línun, líka þá sem eru bara með 150 þúsund á mánuði. Enda Sjálfstæðisflokkurinn aldrei verið flokkur sem hefur hugsað mikið um þá sem minna mega sín. Þess vegna skil ég ekki fólk sem getur stutt við bakið á þessum flokki. En þú hlýtur að hafa þín rök. Það vissu allir að það yrðu hækkaðir skattar og þá skiptir engu hverjir taka við eftir kosningar, eini munurinn er sá að ef Sjálfstæðisflokkur tekur við eftir kosningar, þá veður flöt prósentu hækkun á sköttum sem kemur verst niður á þeim sem minnst eiga, en ef það verður vinstri stjórn þá verða hækkaðir skattar á þá sem eru yfir 500 þúsund á mánuði og það veist þú líka eins vel og ég að það fólk er ekki atvinnulaust. Leiðinlegt þegar pólitík gengur út á það að kasta ryki í augu fólks.

[þorvaldur Hermannsson, 24.3.2009 kl. 02:47]

það væri mátulegt á ykkur Sjálfstæðismenn að skattar yrðu bara hækkaðir á ykkur,þið leidduð þetta yfir þjóðina.kv