Furðuleg forgangsröðun

Það er sérstakt að áhersla stjórnmálaflokka skuli frekar vera á að vera á móti öðrum stjórnmálaflokkum frekar en að setja allt afl á að ná fram góðum málum.

Nú ríður á að flokkar geti unnið saman en þá er það sett fram sem sérstakt kosningaloforð að vinna ekki með ákveðnum flokki sem þrátt fyrir allt er sá flokkur sem er í mestri naflaskoðun og uppgjöri.

Hvað með fyrirtækin og heimilin?

VG bundin - á móti Sjálfstæðisflokknum

Athugasemdir

[Þór Jóhannesson, 22.3.2009 kl. 20:18]

Það er réttlætismál að kjósendur viti hvort flokkurinn sem þeir kjósa muni á nokkurn hátt nýta atkvæði þeirra til að koma auðvalds- og spillingarflokknum aftur til valda.  

Og svo er ekki að sökum að spyrja þegar kemur að ESB, auðvitað fer VG einu skynsömu leiðina og segir einfaldlega; “leyfum þjóðinni að ráða”.

Svo bætist ofan á þessi gleðitíðindi að Steingrímur J. vill að embætti sérstaks saksóknara verði eflt til muna! Maður er loksins farinn að sjá fram á að eitthvað réttlæti geti náð fram að ganga á þessu landi.

[Haraldur Haraldsson, 22.3.2009 kl. 21:28]

Er þetta ekki það sem þessi flokkur V.G.stendur fyrir nei og á móði öllu/Halli gamli

[Jónas Egilsson, 22.3.2009 kl. 22:01]

Það er nefnilega að koma í ljós hið gamalkunna. Það er mikilvægara að halda völdum, valdanna vegna, en að koma góðu áleiðis.

Vinstri menn hafa ítrekað "selt sálu" sína fyrir stjórnarsetu og bakkað með sín kosningaloforð fyrir stólana. Sennilega er herstöðvarmálið hvað þekktast, þegar vinstri menn fóru þrígang í stjórn en aldrei fór herinn - ekki fyrr en Bandaríkjamenn ákváðu sjálfir að hann færi. En það er bara eitt dæmi.

Hefur nokkuð breyst í þessum efnum?

[Jónína Óskarsdóttir, 22.3.2009 kl. 23:31]

Það segir sig sjálft að það er best fyrir heimilin og fyrirtækin að Sjálfstæðisflokkurinn sé víðs fjarri stjórn landsins ... hafa verkin ekki talað!?

Og, mér finnst að ef "flokkurinn" hefði snefil af sómatilfinningu sæti hann heima í þessum kosningum.

Flokkurinn hefur leitt þjóðina í miklar ógöngur sem við þekkjum öll og ég segi: Aldrei aftur Sjálfstæðisflokkinn!

[Þór Jóhannesson, 22.3.2009 kl. 23:33]

Til hamingju Jónína - fólk eins og þú er sómi landins því þegar maður sér orðið "aftur" í þessari setningu hjá þér fyllist maður von um að fleiri hafi séð villu síns vegar.

[Eyþór Laxdal Arnalds, 22.3.2009 kl. 23:53]

Sæl Þór og Jónína. Takk fyrir ykkar innlegg. Hvaða úrræði sjáið þið helst fyrir ykkur fyrir heimilin og fyrirtækin?

[Þór Jóhannesson, 23.3.2009 kl. 00:11]

Úrræði 1. Halda ránsflokknum frá.

Úrræði 2. halda áfram á þeirri braut sem 40 daga verkstjórnin hefur lagt inn á.

Úrræði 3. hætta að ljúga því til að það séu í boði töfralausnir sem gera á endanum ekkert annað en að skapa meiri vantrú erlendis frá á Íslandi.'

Úrræði 4. að siðleysingjarnir í Sjálfstæðisflokknum á þingi hætti að standa í vegi fyrir réttlætinu og viðurkenni að það sé í raun verið að gera helling af hlutum til handa fólkinu í landinu (sem n.b. er í þessari stöðu útaf ónýtri stefnu Sjálfstæðisflokksins sl. 18 ár).

Úrræði 5. hætta að trúa lygaþvælunni um að Úrræði 2. hér að ofan sé ekkert, slíkt er einfaldlega áróður hægrimiðlanna og hægri bloggara (bendi þeim sem ælta að rengja þetta að horfa á Silfur Egils frá í dag og hvað Steingrímur J. segir þar, því ég nenni ekki að vinna heimavinnuna fyrir stuðningsmenn auðvalds- og spillingarflokkinn sem eru hvort sem er eingöngu að kasta skítabombum með þessum innihaldslausu fullyrðingum um að ekkert sé verið að gera).