Heimssýn á Suðurlandi

Í gærkvöldi var góður fundur í Þingborg þar sem Heimssýn var með opinn umræðufund um ESB. Guðni Ágústsson var fundarstjóri og fluttu Atli Gíslason og Sigurður Jónsson framsögur auk mín. Tilefnið var heimsókn Norðmannana Dag Seierstad og Jostein Lindland. Boðskapur þeirra var skýr og fræðandi: Engar varanlegur undanþágur hafa verið í boði. Það sýnir reynsla Norðmanna.

Margt bendir til þess að erfitt verði að fá viðunandi samning - ekki síst í dag þegar nýjar þjóðir ESB búa við djúpa kreppu. Heimssýn eru mikilvæg samtök sem halda við umræðu um álitaefni og eru fundir sem þessir nauðsynlegir. Heimssýn á Suðurlandi verða aðildarfélag Heimssýnar.

Fundarmenn voru sammála um að samningsmarkmið verði að vera skýr enda næst ekki góður samningur ef menn hafa ekki skýr samningsmarkmið.

 

Athugasemdir

[Jón Lárusson, 20.5.2009 kl. 08:11]

Hvaða tal er þetta um að það vanti skýr samningsmarkmið. Markmiðið er skýrt, við eigum að fara inn sama hvað er.

Tillaga Samfylkingarinnar segir allt sem segja þarf. Það á að fara inn óháð öllu og því um skýrt markmið að ræða. Hvort það sé svo í þágu þjóðarheillar er allt önnur ella.

[Gunnlaugur I., 20.5.2009 kl. 12:33]

Gott að þið ESB andstæðingar á Suðurlandi eruð að þjappa ykkur saman.

Ekki veitir nú af.

Tek undir með Jóni Lárussyni hér að ofan að samningsmarkmið Samfylkingarinnar í ESB málinu eru alveg skýr.

Það á að fara inn í ESB "sama hvað"

[GH, 20.5.2009 kl. 16:07]

Ég hélt að Heimssýn væri móti aðild hvað sem væri í boði -- já og reyndar yfirleitt að íhuga umsókn. Hvað eru samtökin þá að íhuga samningsmarkmið? Já, og ég er alveg sammála Jóni Lárussyni um það að samningsmarkmið Samfylkingar eru skýr: flokkurinn vill sækja um aðild að ESB og leggja samning undir atkvæði þjóðarinnar. Sú athugasemd að "við eigum að fara inn sama hvað er" er aftur á móti út í hött, því að á endanum ræður þjóðin för -- en ekki Jón Lárusson.

[Marteinn Unnar Heiðarsson, 20.5.2009 kl. 22:35]

http://www.youtube.com/watch?v=rH6_i8zuffs&feature=PlayList&p=FBD7EFAE8BE4F748&index=0

Þetta er sannleikurinn um AGS í Argentínu og sama á við í ESB þeir efnameiri og kröfuhafar fá sitt sama hvað það kostar þjóðina eða hinn almenna borgara.Besta sem við gerðum fyrir okkar þjóð ef hún á að ná sér upp aftur er að rétta ESB fingurinn og skila AGS láninu,ef ekki þá verður kreppa hér næstu áratugina....

[Eyþór Laxdal Arnalds, 20.5.2009 kl. 23:34]

Sæll GH - það er öllum hollt að íhuga - bæði umsókn, inngöngu sem annað.

[Jón Lárusson, 20.5.2009 kl. 23:39]

Kæri GH, gott að við séum sammála um eitthvað. Auðvitað ræð ég ekki för einn og sér, en ég ætla ekki að lufsa út í horn og láta leiða mig inn í ESB eins og rollu til slátrunar. Ég mótmæli allur þeirri leið. Að hafa það eitt markmiða að ganga inn í ESB er mjög vænlegt til árangurs þar sem ESB mun ekki þurfa að hafa mikið fyrir samningnum og við því líkleg til að enda inni.

Það er hins vegar alveg öruggt að ætli menn að sækja um til að "sjá hvað er í boði", sem er jú einhver aumingjalegasta afsökun fyrir aðildarumsókn sem hægt er að finna, þá verða menn að setja sér skýr og afmörkuð markmið. Það þýðir ekki að ætla í samninga með þetta eina markmið, að ætla inn.

Það væri nú auma lýðræðið að bera ekki samninginn undir þjóðina, en væri svo sem í anda hins lýðræðisfælna ESB, en þessi skortur á lýðræði þar innandyra er ein helsta ástæðan fyrir því að ég er fylgjandi sjálfstæðu Íslandi. Ég tel nefnilega hag mínum betur borgið ef ég hef eitthvað um hann að segja sjálfur. Ég þjáist nefnilega ekki af minnimáttarkennd og óöryggi til getu minnar eða þeirrar þjóðar sem byggir þetta land.

Ég tel það ekki til hagsbóta fyrir Íslendinga að ganga inn í ESB og hef ég ýmislegt fyrir mér í því, en ég mun tilgreina það nánar síðar í bloggi hjá mér. Hins vegar eru hér valdamikil öfl í þjóðfélaginu sem vilja inn sama hvað það kostar og hafa þessir aðilar slík áhrif í fjölmiðlum að venjulegt fólk fær ekki rétta sýn á málið. Ég tel það því mína skyldu að halda uppi vörnum fyrir frjálst og fullvalda Ísland. Þjóðin verður að fá að heyra báðar hliðar málsins.

[Guðrún María Óskarsdóttir., 21.5.2009 kl. 02:01]

Sæll Eyþór.

Komst því miður ekki, en óska ykkur til hamingju með nýstofnað félag á Suðurlandi.

kv.Guðrún María.

[Halldór Jónsson, 28.5.2009 kl. 23:35]

Er þetta ekki selskab fyrir mig líka ?  

[Halldór Jónsson, 28.5.2009 kl. 23:39]

ESB gat breytt fiskvieðistefnu sinni svo að hún gengi betur oní  Íslendinga. Kratar ráku upp ramavein um þessa sönnun ágætis bandalagsins.

En Pétur Blöndal  spurði sem svo í útvarpinu í morgun:  Úr því að þeir gátu breytt stefnunni si svona , geta þeir þá ekki bara breytt henni aftur ?

Náum við hálfu prósenti á Evrópuþinginu ?