Skólabókardæmi?

Ekki er ólíklegt að Icesave samningarnir rati í skólabækurnar. "Case-study" aðferðin sem er notuð víða í háskólum fær hér kjörið hráefni og nemendur geta svo spreytt sig á samningatækni. Reyndar er þetta mál líka skólabókadæmi í þjóðarrétti og sennilegast gott dæmi í þjóðhagfræði þar sem reiknað er út hvað íslenska þjóðin þolir.

Verst að þetta er raunveruleikinn...

Breski tryggingasjóðurinn leystur undan ábyrgð

Athugasemdir

[Eggert Guðmundsson, 27.7.2009 kl. 16:46]

Það verður að koma í veg fyrir að þessi samningur verði samþykktur. Það verður að gera allt mögulegt.

það má ekki gerast að  allur háskólaheimurinn hafi það skjalfest, hveru miklir vitleysingar  Íslendingar eru.

[Haraldur Haraldsson, 27.7.2009 kl. 23:55]

"Allt er vænt sem vel er grænt" eða hitt þá heldur" segir! máltækið/Kveðja Halli gamli

[Hjalti Tómasson, 28.7.2009 kl. 21:07]

Það er æði margt í atburðarrás síðustu mánaða sem á eftir að rata í kennslubækur.

Aðdragandi hrunsins og aðkoma löggjafa og stjórnvalda til dæmis. Manni sýnist svona eftir á að í stað þess að laga fjármálakerfið að lögum og reglum þá hafi lögum og reglum verið breytt til þess gagngert að auðvelda mönnum þá gjörninga sem við erum nú að súpa seyðið af.

[Heimir Tómasson, 29.7.2009 kl. 03:56]

Neisko bara, Hjalti enn á lífi

En sem Íslendingur erlendis þá get ég þetta eitt um málið sagt.

Það eru ekki margir hérna í USA sem vita nákvæmlega um hvað málið fjallar, skiljanlega. En þeir sem þó vita horfa á mann með vorkunnaraugum, mest þó með spurnaraugum því það eru tvær spurningar sem brenna á þeim: 1) Ætla Íslendingar, þetta stolta og vel gefna fólk, virkilega að beygja sig undir þessar kvaðir og 2) Af hverju er ekki búið að sækja menn til saka?

Hjalti orðar þetta nákvæmlega hérna að ofan þar sem hann segir að kerfið hafi verið lagað að auðmönnum. Það gerðist og var hreinlega á allra vitorði því ekki var Davíð kallinn og fylgisveinar hans svo hógværir að gera það bakatil. Onei, það var gert í allra augsýn og Íslendingar, blindaðir af Íslenska Efnahagsundrinu og nýju Tojótunni, tóku umhugsunarlaust við blessuninni. Ég gerði það sjálfur lengi vel, en eftir því sem ég ferðaðist meira og talaði meira við menn um allan heim með viðskiptavit,´þá má kannski segja að það hafi kannski farið að koma smá hvolpavit hjá mér.

Íslendingar eru einstaklingssinnar, það er alveg vitað, hver hugsar mest um sjálfan sig. Samstaða er ekki til hjá Íslendingum um þessar mundir og kannski einmitt þessvegna verð ég að segja að ég er guðs lifandi feginn að hafa selt húsið mitt í Nauthólunum, þó það hafi verið selt með tapi vegna þess að líkt og allir þá gekk ég berserksgang í að gera það sem allra flottast, og flutt af landi brott.

Tímasetningin hefði ekki getað verið betri, svona í ljósi þess hvað kom á eftir.

[Helgi Hrafn Gunnarsson (IP-tala skráð) 29.7.2009 kl. 17:45]

Ætli það spili ekki svolítið inn í gengisþróunina, herra Eyþór, algert hrun bankakerfisins sem Sjálfstæðisflokkurinn hannaði, innleiddi og varði fram í rauðan dauðann þrátt fyrir alla gagnrýni allra hagfræðinga sem hundsvit höfðu á málinu.

En við skulum nú ekki dvelja í fortíðinni, er það nokkuð, herra Eyþór? Hvaða gagn gæti það hugsanlega gert að tala um algert ábyrgðarleysi, blöskrunarlega fáfræði eða hreint út sagt heimsku Sjálfstæðisflokksins? Hvaða gagn gæti það hugsanlega verið að læra aðeins af sögunni af og til?

Það er svo fyndið við ykkur sjálfstæðismenn að það megi aldrei "dvelja í fortíðinni", eins og það skipti engu máli hvað Sjálfstæðisflokkurinn klúðri miklu, menn eiga bara að gleyma því að hugsa um hluti sem hafa ekki ennþá gerst. Þ.e.a.s. hugsa ekkert yfirhöfuð.

Sjálfstæðismenn ættu að hætta að tala um efnahagsmál alfarið.

[Helgi Hrafn Gunnarsson (IP-tala skráð) 29.7.2009 kl. 17:46]

Fyrirgefðu, seinasta innlegg mitt átti að rata inn á "Styrkir aðildarumsóknin gengið?"