Gjörðu svo vel Ólafur Ragnar Grímsson...

Nú hefur Alþingi samþykkt einstaklega ömurlega skuldbindingu fyrir ríkissjóð og komandi kynslóðir. Skuldin sem nú er lögfest mun vafalaust bitna harðast á þeim sem minnst mega sín og minnsta ábyrgð bera á henni.

Nú er víst ríkisráðsfundur á morgun og án efa vill ríkisstjórnin fá staðfestingu forsetans fyrir áramót.
Ólafur Ragnar Grímsson er í vægast sagt sérstakri stöðu:

a) Hann sagði í kosningabaráttu sinni að hann myndi móta embættið með sínum hætti
b) Hann hefur einn forseta í lýðveldissögunni synjað lögum staðfestingar
c) Hann samþykkti fyrri lög um Iceasve ábyrgð með sérstakri áritun sem varðaði fyrirvarana

Ef samræmi er í embættisverkum Ólafs hlýtur hann að synja lögunum staðfestingar.

Já og svo hafa á fjórða tug þúsunda skorað á hann en það ku vera íslandsmet.

Alþingi samþykkti Icesave

Athugasemdir

[Júlíus Björnsson, 31.12.2009 kl. 00:54]

Nú er að sjá hvort Ísland fái meiri fyrirgreiðslur en t.d. Lettar eða Grikkir. Lissabon samningurinn bannar allar lánafyrirgreiðslur og knýir á um að allir Meðlimir geri upp aðildarfyrirgreiðslur og undanþágur falli almennt niður svo sem Þýskaland missir allar fyrirgreiðslur vegna sameiningar við austur þýskuland eftir 5 ár.

Nú megum við búast að Risarnir í EU beiti sínum ógnum um aldur og ævi miðað við hvað það hefur gengið vel með samþykki þjóðar Íslands.

Gullfoss verður fljótlega virkjaður þegar Bretar fara fram á það.

Almenningur á Íslandi eða almenningsfulltrúarnir á Alþingi Íslands eru meira virði en sá Skoski í augum Breta.

Var ekki Íslensku einkabönkunum lánað af EU bönkunum [Skotlands og Þýskalands] til að halda uppi atvinnustigi í Bretlandi.

Loka lánalínum var það það ekki hvatinn  að Icesave vöxtunum? Hvernig bitnuðu efnahagshryðjuverkaþvinganir gegn einkabönkum á öðrum fyrirtækjum eða einstaklingum Íslenskum?

Er Íslenska þjóðin sem heild sek um að ógna  Breska fjármálaveldinu eða féfletta breska neytendur í ljósi samnings um fyrirgefningu.

Eigum við að lifa undir þessu geræðisofbeldi þegar réttmæti þess hefur verið staðfest.

Láta undan ofbeldi bíður upp á meira ofbeldi þegar trúfrelsi ríkir almennt. 

[H.T. Bjarnason (IP-tala skráð) 31.12.2009 kl. 08:56]

Ef ég ætti að veðja einhvern pening myndi ég veðja á samþykkt forsetans.

[Oddur Ólafsson, 31.12.2009 kl. 11:24]

Er ekki sjálfsagt að þú ásamt öðrum sjálfstæðismönnum bjóðist til að borga meira en aðrir af þessum SjálfstæðisflokksbankaICESAVE skuldum?

[Björn H. Björnsson, 31.12.2009 kl. 11:48]

Það er makalaust hvað ábyrgðarmenn hrunsins, þ.e. Sjálfstæðis- og Framsóknarmenn, eru í mikilli afneitun eins og alkóhólistar og kenna öllum örðum en sjálfum sér um vandræðin. Hættið þessu rugli og farið að vinna. Framkoma ykkar og málflutningur er til skammar.

[Sigurður Sigurðsson, 31.12.2009 kl. 12:23]

Björn Björnsson:  Hvað með Jón Sigurðsson sem svaf fastast á vaktinni - vinstri menn hafa nú sett hann sem stjórnarformann Íslandsbanka  ?

Og svo eru undirskriftir til forsetans orðnar tæplega 47 þúsund.  Segir það ekki allt sem segja þarf ??

Honum hlýtur að verða fleygt út úr Bessastaðafjósinu ef hann samþykkir þessi ólög !!!

[Júlíus Björnsson, 31.12.2009 kl. 14:30]

Þetta mál er yfir allar venjulegar stjórnmálskoðanir hafið, og er spurning um rétt hins almenna einstaklings til að tryggja lífsviðurværi sitt og sinnar fjölskyldu.

Hér eru mastermind EU að spila með meðalgreinda ráðamenn Íslands án tillit til stjórnmálaskoðana.  

Stóra alþjóðasamhengið.

[Eyþór Laxdal Arnalds, 31.12.2009 kl. 14:58]

Sælir Oddur og Björn. Ég hef haft opið fyrir athugasemdir hér í þrjú ár og reyni að vera málefnalegur. Vona að þið getið verið það líka.

[Ingi Björn Sigurðsson, 4.1.2010 kl. 22:04]

Þetta er fín hugleiðing hjá þér, það eina sem þessi umhugsunarfrestur hefur leitt í ljós er augljós galli á stjórnskipunni og styrkir enn meira hugmyndir hrinda stað stjórnlagaþingi. Það er náttúrlega alveg ótrúlegt að einn aðili í lýðræðislegaskipuðu stjórnkerfi getið mótað hlutverkið sitt eftir eigin höfði.

Fyrir utan það þá gleymist það að Ólfur Ragnar fékk 100% kostningu árið 2008, mögulegt mótframboð var kallað nauðgun á lýðræðinu http://www.visir.is/article/20080104/FRETTIR01/80104042 . Því vorum það víst öll sem kusum Ólaf Ragnar, þrátt fyrir að hann hafi boðað það að hann myndi móta forseta hlutverkið eftir eign höfði.