Magnaðar myndir

Engin tvö snjókorn eru alveg eins þegar grannt er skoðað. Hér eru nokkuð magnaðar myndir af snjókristölum eins og falla í dag í milljarðatali á suðurlandi.

Bókin Critical Mass sem er fjallað um hér að neðan tekur dæmi um snjókorn. Þau myndast við ákveðið hitastig, en minnstu breytur hafa áhrif á hvernig þau þróast. Eins og fólkið.

Nokkar gamlar myndir af snjókornum

Suðurströndin á haf út

Ég hef fengið mikil viðbrögð við myndum úr gervitungli NASA sem ég birti hér á blogginu á mánudag en þær eru frá árinu 2002. Brúnn sandfláki liggur tugi kílómetra á haf út. Einhverjar efasemdar raddir hafa heyrst um að þetta geti verið í raun og veru. Myndir NASA hafa ítrekað sýnt þetta ástand. Hér að neðan er ein ansi skýr frá 2004 sem sýnir þetta ansi vel:

 

Landið fýkur burt...

Ein mynd getur sagt meira en þúsund orð. Landfok á suðurströndinni sést afar vel á þessari mynd sem er tekin úr gervitungli NASA. Takið eftir brúna skýinu sem leggur á haf út. Það nær tugi kílómetra út á sjóinn.

 

Á húsnæði heima í neysluvísitölunni?

Neysluvísitalan lækkaði minna en flestir vonuðu. Tvennt virðist valda; minni lækkanir en ætla mætti á vissum sviðum og svo hitt að húsnæðisverð hefur ennþá talsverð áhrif til hækkunar. En á húsnæði heima í neysluvísitölunni? Sumir segja svo, en staðreyndin er sú að við erum með talsverða sérstöðu hvað þetta varðar á Íslandi. Reyndar er það svo að húsnæðiskostnaður er metinn inn í verðbólgutölur víða, en með æði misjöfnum hætti. Þess vegna er húsnæðiskostnaði og húsnæðisverði sleppt í alþjóðlegum samanburði.

Í Bandaríkjunum er húsnæðisverð undandskilið, öfugt við Ísland, en þetta graf sýnir ansi vel hvaða áhrif húsnæðisverð gæti haft ef það væri tekið með í reikninginn:

Matvara hefur lækkað en veitingar síður

Stærsti þjóðgarður í Evrópu verður að veruleika

Vatnajökulsþjóðgarður verður að veruleika með lögum frá Alþingi. Þjóðgarðurinn verður 15 þúsund ferkílómetrar eða 15% af Íslandi og því langstærsti þjóðgarður Evrópu. Þetta framtak á ekki sinn líkann í sögu Íslands og er dæmi um breytt hugarfar gagnvart náttúru og víðerni Íslands. Ríkisstjórn Íslands sem tókst á við þetta verk er hægristjórn.

                                      
Vert er að geta þess að stórir þjóðgarðar urðu fyrst til hjá Teddy Roosevelt, en hann gerði 930 þúsund ferkílómetra landsvæði að þjóðgörðum í forsetatíð sinni. Teddy var 26. forseti Bandaríkjanna. Hann var hægrisinnaður Rebúblíkani og náttúruverndarsinni.

CO2 - virkjum þekkinguna

Íslendingar geta verið í fararbroddi við að minnka útblástur CO2 og annara gróðurhúsalofttegunda.
Þetta graf sýnir aukningu CO2 í andrúmsloftinu (rauða súlan) og fylgni við brennslu olíu og kola. Draumurinn um "vetnissamfélagið" getur ræst á Íslandi, ekki síst ef við náum að gera flotann út með vetni. Fallvötnin og háhitinn nýtast þá beint í að minnka okkar útblástur enn frekar.
Við erum nefninlega svo heppin að framleiða raforku úr endurnýjanlegum orkugjöfum. Þökkum fyrir það.

Við ættum að styðja við bakið á "orku-útrás" þar sem íslenskt hugvit, reynsla og þekking í orkugeiranum nái að margfaldast.

Virkjum þekkinguna.

Blair segir „gríðarlegar“ breytingar í vændum í loftslagsmálum

Vatnið: Undirstaða lífs

Þetta eru magnaðar fréttir um "Haf undir jarðskorpunni". - Við vitum svo lítið um jörðina, það sannast enn og aftur. "Hafið" sem um ræðir er þó ekki þess eðlis sem við erum vön að kalla "haf" því vatnsmagnið er um 0,1%, enda erum við að tala um 1500 km undir jarðskorpunni!

Í raun er vatnið fast í bergi.

En meira um vatnið....

Fyrir nokkrum árum fannst svo vatn á Mars (frosið). Svo núna nýlega hefur vatn og jarðhiti fundist á einu af Tunglum Satúrnusar Enceladus (þvermál um 500km) og telja menn að hægt sé að sjá vatnsmyndun í nýlegum sprungum vegna hitans:

 

Sjá líka http://www.astrobio.net/news/article1698.html

 

Fundu vísbendingar um stórt haf undir Austur-Asíu