Hún var úr áli

Tveir pólar takast á um framtíð Íslands og hafa stór orð fallið. "Borgarastríð hugans". "Þjóðin klofin". "Nei eða Já". "Náttúra eða stóriðja". Ég var á fundi í dag þar sem þeir Andri Snær Magnason og Friðrik Sophusson voru frummælendur um möguleika Suðurlands á Hótel Selfossi og var yfirskriftin "Framtíðarlandið Suðurland". Menn höfðu mismunandi sýn á framtíðina. Jón Hjaltalín Magnússon vildi til dæmis áltæknigarð, álver og setja af stað túrisma fyrir verkfræðinga sem gætu skoðað virkjanir á Íslandi. Gunnar Steinn Pálsson sá framtíðina í börnunum.

Þeir Andri og Friðrik eru ekki sammála um framtíð í virkjanamálum, en hvað eiga þeir sameiginlegt?

Friðrik Sophusson var með ljóspenna úr áli sem er notaður sem bendill, en hann eins og aðrir notaði tölvu hússins fyrir glærur.

Andri Snær kom með sína eigin Macintosh tölvu:  Hún var úr áli

Athugasemdir

[Ólafur Als, 30.3.2007 kl. 19:19]

Athyglivert. Til viðbótar má bæta við að Apple-fyrirtækið er af sumum talið "umhverfissóði" en vegna þess að ég notast við slíka tölvu einnig skulum við ekki hafa hátt um það. Færir manni enn og aftur heim sannindin um það að baráttan fyrir bættu umhverfi hefst heima hjá hverju og einu okkar.

[Egill Harðar (IP-tala skráð) 30.3.2007 kl. 20:22]

Og hvað? Ertu að segja að Andri Snær sé hræsnari? Hann ætti kannski að forðast að drekka gos úr áldós, pakka matarleyfunum inn í álpappír o.s.fv.? 

[Halldór Sigurðsson, 30.3.2007 kl. 21:49]

Farðu varlega með þessi ummæli .
Það getur ekki verið að , bara Peningar stjórni þínu lífi.

Þetta lyktar af hroka .
Það sem þú ert að leita að er bara frumvinnsla .
Ál er framleitt hér , til að framleiða aðra hluti annarsstaðar.

Þú hlýtur að hafa þína eigin hugsun og vera með þína " eiginn " skoðun. 

[Egill Óskarsson, 31.3.2007 kl. 00:36]

Sennilega eru þær framleiddar úr ofsalega góðu sérpöntuðu amerísku áli sem er alveg pottþétt endurnýtanlegt, eins og álið sem að Stefán Pálson og félagar nota í barmmerkin. Það ál er víst allt öðru vísi en álið sem er framleitt hérna.

[Glanni (IP-tala skráð) 31.3.2007 kl. 10:57]

þetta lýsir fyrst og fremst eigingirni Andra að vilja bara njóta en ekki en ekki taka þátt í að skapa.

[Ólafur Þórðarson, 5.4.2007 kl. 03:00]

Já ha ha! Góður þessi Eyþór. Besta moggabloggið í dag.

Andri Snær er mitt uppáhalds vísindareyfaraskáld. Þess væri óskandi að fólk læsi meira.

Varðandi álið, þá er "bruðlið" allt að 25% í umbúðadrasli, dósum, álpappír, einnota hlutum, s.s.... bökunarformum, jú neimit. Flugvélar og samgöngutæki eru um 50% af notkuninni.