Kjósendur VG og S vilja lægri skatta -

Tekjuskattur á Íslandi hefur lækkað, en er enn of hár að mati mikils meirihluta þjóðarinnar. Sjálfstæðisflokkurinn er eini flokkurinn sem hefur beinlínis boðað skattalækkanir og er þessi könnun athyglisverð í ljósi þess breiða stuðnings sem skattalækkanir virðast hafa á Íslandi í dag.

Kjósendur allra flokka sem taka undir þetta og vekur sérstaka athygli að kjósendur stjórnarandstöðuflokkanna eru á því að skatturinn sé of hár, en þessir flokkar boða ekki lækkun tekjuskatts.  Hvorki meira né minna en 72,3% kjósenda Samfylkingarinnar og 64,9% kjósenda Vinstri grænna.

Sagan segir að frumbyggjar Íslands hafi komið frá Noregi til að forðast óhóflega skattheimtu.
Okkur er kannski í blóð borið að vilja lægri skatta?

Mikill meirihluti segir 35,72% tekjuskatt of háan

Athugasemdir

[Jónas Tryggvi Jóhannsson, 20.4.2007 kl. 10:50]

en nú hefur OECD bent á að skattheimta hefur hvergi aukist meira en á Íslandi síðustu 10 árin, eða frá 33% af landsframleiðslu upp í 41%. Af hverju telur þú þá bara upp þá tvo flokka sem hafa ekki verið í stjórn?

Ég held að stuðningsmenn ríkistjórnarinnar væru alveg til í skattalækkanir líka. Eða ætlar þú að halda því fram að OECD sé bara ljúgandi vinstri menn upp til hópa? Því ef ég vitna í Stefán Ólafsson um breytingar á milli 1995 og 2005; "Tekjuskattar einstaklinga og fjölskyldna fóru um leið úr 10% af landsframleiðslu í um 15%. Í fyrra voru teknir af heimilunum um 50 milljarðar í tekjuskatta umfram það sem hefði verið ef skattbyrðin frá 1995 væri óbreytt. Ef skattleysismörkin hefðu fylgt launaþróuninni hefði hlutur tekjuskattsins ekki aukist svona."

Og ef það á að benda á að hagvöxtur hefur aukist svona mikið, og þessvegna hækkar skattheimta, þá er rétt að spyrja afhverju skattheimta annara þjóða er að lækka þrátt fyrir að hafa meiri hagvöxt. Finnland og Írland hafa t.d. lækkað skattheimtu sína um 2% á þessum árum, á meðan við hér á Íslandi höfum hækkað skattheimtu um nær 10%!

[Jónas Tryggvi Jóhannsson, 20.4.2007 kl. 11:14]

semsagt; íhaldsflokkurinn okkar hann Sjálfstæðisflokkurinn hefur algjörlega gleymt frjálshyggjunni og hækkað raun skattheimtu upp úr öllu valdi (nema á ríkustu 10% - sem er launaflokkur sem fæstir sjálfstæðismenn ná upp í). Kaupmáttaraukning er góður hlutur, en þá má ekki gleyma sér í gleðinni og leyfa ríkistjórninni að byrja að níðast svona á okkur..

Þeir þættir sem eru undanskyldir Evrópusamstarfinu, eins og landbúnaðarkerfið og sjávarútvegurinn eru ríkisstyrktirari en þekkist innan ESB og flestum stöðum innan OECD (eða er sjómannaafslátturinn ekki ríkisstyrkur?) .. en samt eru þeir sem halda ennþá að íhaldið sé eitthvað annað en íhald að eyða tíma sínum í að andskotast út í flokka eins og Samfylkinguna, sem er eini flokkurinn sem leggur til að breyta Landbúnaðarkerfinu og hefur ekki hingað til lagst gegn skattalækkunum. Frelsi í viðskiptum getur komið úr ýmsum áttum, eins og sést best hér á Íslandi þar sem við fengum frjálsan markað sem tilskipun frá ESB í gegnum EES. Við sem trúum á frjálsan markað, sama í hvaða flokki við erum, eigum því að velta því fyrir okkur í hverjum kosningum hver sé besti valkosturinn fyrir okkur.. og ég er sannfærður að það er ekki núverandi ríkistjórn.

[Sigurður Þórðarson, 20.4.2007 kl. 13:36]

Það er ekki ofmælt að Sjálfstæðisflokkurinn hefur þanið út ríkisbáknið undanfarin ár.  Þarflausust og jafnframt grófust eru margföld eyðsla í sjávarútvegs- og utanríkisráðuneytið. Það er þjóðarnauðsyn að losna við þessa ráðherra sem sýna enga bygðun og ætla að halda áfram á sömu braut, þó sukkið sé fjármagnað með sköttum af  þenslu og viðskiptahalla við útlönd.