Allir á mölina?

Jónas Kristjánsson vill senda restina af landsbyggðinni "á mölina", enda "haldist fólk ekki við í plássum án þess að væla um skort á álveri, olíuhreinsunarstöð, háskóla og svo framvegis,"

Sennilega hefði verið "ódýrast og hagkvæmast" - svo notuð séu orð Jónasar - að senda Íslendinga alla úr landi fyrir nokkrum öldum eins og sumir Danir vildu gera.

Hér er svo pistill Jónasar eins og hann var birtur á www.jonas.is í fyrradag: 

Allir á mölina
Íslendingar eiga að búa á höfuðborgarsvæðinu. Það er ódýrast og hagkvæmast. Við þurfum ekki lengur verstöðvar við ströndina. Fiskurinn er verkaður um borð eða settur á fiskmarkaði við Faxaflóa. Það er dauðadómur yfir stofnun að senda hana út á land, samanber Byggðastofnun á Króknum og Landmælingar á Akranesi. Ekkert vit er í að hafa háskóla úti um allar trissur. Þar myndast ekki akademískt andrúmsloft. Enda helzt fólk ekki við í plássum án þess að væla um skort á álveri, olíuhreinsistöð, háskóla og svo framvegis, allt á kostnað ríkisins. Ódýrara er að flytja fólkið suður. Hér er nóg pláss fyrir alla.

Athugasemdir

[Hlynur Þór Magnússon, 21.4.2007 kl. 10:00]

Æ, hann Jónas. Kristinn Pétursson fjallaði í gær um þessi skrif Jónasar hér í Moggabloggi sínu. Ég skrifaði þar ofurlitla klausu í athugasemdadálkinn, sem mér finnst eftir á svolítið ruddaleg og jafnvel kjánaleg, a.m.k. ekki sérlega málefnaleg. Samt er ég enn sömu skoðunar ..

[HP Foss, 21.4.2007 kl. 12:28]

Hann Jónas er nú bara veikur maður, það sýndi sig best þegar hann var við ritsjórn DV, sem endaði með ósköpum.

Ekki þess virði að lesa skrif hans.

[Sigríður Laufey Einarsdóttir, 21.4.2007 kl. 14:32]

Sem betur fer eru komnir upp margir syterkir pennar sem geta andæft Jóasi sem um munar.

Ef litið er nokkra áratugi aftur í tímann þá rægði hann íslenska bændastétt og landbúnað um áratugum saman.

Ekki tókst honum að rústa landsbyggðinn með skrifum sínum eins og ætlast var til en hann sáði fræum haturs í garð bænda sem ennþá má merkja.Ef hann hefur einhverja sómatilfinningju þá átti hann að leggja penna frá sér. Nú er nóg komið.

Með kveðju,

[Kári S. Lárusson (IP-tala skráð) 22.4.2007 kl. 01:19]

Sennilega hefur hið akademíska andrúmsloft höfuðborgarsvæðisins verið talsvert mengað af svifryki þegar þetta bull bunaði úr penna hans.