Íbúðaskorturinn er ekki tilviljun.

Íbúðaskorturinn er ekki tilviljun.

Hann hefur orðið vegna þess að meirihlutinn í Reykjavík hefur vanrækt skyldur sínar að skipuleggja hagkvæmar lóðir.

Búið er að sýna þúsundir af glærum. 
Búið að gefa "vilyrði" fyrir lóðum - oft með fyrirvörum. 
Allt of lítið hefur verið byggt í Reykjavík á síðustu fjórum árum.

Afleiðingarnar eru alvarlegar:

(1) Húsnæðisverð og þar með leiguverð hefur snarhækkað
(2) Sífellt fleira ungt fólk kemst ekki úr foreldrahúsum. 
(3) Fjölgun er meiri í öðrum sveitarfélögum, byggð dreifist og umferð hefur þyngst.

Þrjú dæmi um ástandið í Reykjavík:

(A) 55m2 íbúð kostar 200 þúsund krónur á mánuði í leigu
(B) 10m2 "íbúð" 75 þúsund krónur á mánuði í leigu
(C) Þakíbúð við Hafnartorg mun kosta yfir 400 milljónir til kaups samkvæmt fréttum.

Já 400 milljónir.

Samfylkingin kennir sig við jafnaðarmennsku. Hún hefur stjórnað borginni óslitið í átta ár.

Við viljum einfalda stjórnkerfið 
- Úthluta hagstæðari lóðum
- Hætta að okra á byggingarrétti
- Skipuleggja Keldur, Örifirisey og BSÍ strax í sumar
- Og að í Reykjavík rísi 2.000 íbúðir á ári

Þannig náum við jafnvægi og Reykjavík verður raunhæfur valkostur fyrir venjulegt fólk á ný.

Það er kominn til til að breyta!
XD

Athugasemdir

[Jónatan Karlsson, 16.5.2018 kl. 03:22]

Sæll Eyþór

Ég er þér sammála um það ófremdarástand sem hér ríkir í húsnæðismálum borgarinnar og blasir við öllum og get tekið að mestu undir tillögur þínar hvað úrbætur varðar.

Þú nefnir þó fyrst til úrbóta, að einfalda þurfi stjórnkerfið!

Ég get varla tekið undir þau orð, því ekkert minna en gagnger uppstokkun og stórfeldur niðurskurður dugir til að þessi litla borg og fáu útsvars greiðendur geti hreinlega staðið undir rekstrinum.

Hér stendur til að fjölga borgarfulltrúum og föruneyti þeirra, en væri nú ekki réttara í þess stað að slá af hlægilega bittlinga í formi einkabílstjóra, sem stjórnarráðið gæti að sjálfsögðu líka tekið til eftirbreytni?

Það ætti að vera mögulegt í einhverju samanburðar landa okkar að finna vel rekna borg og sveitarfélag af stærðargráðu Reykjavíkur, sem nota mætti til viðmiðunar og vona ég að þú sért mér sammála um að öll óþörf störf beri tafarlaust að leggja niður.

Ein helsta ástæða hamfarastefnu núverandi borgarstjórnar í húsnæðismálunum er einmitt örvæntingarfull baráttan við að afla skjótvirkra peninga með öllum ráðum, sem mætti auðvitað líkja við að pissa í skóinn sinn.