Hvað þýðir það að fela sig forsjá IMF?

Alþjóða gjaldeyrissjóðurinn sinnir vandamálum sem menn hafa ekki séð hjá ríkri þjóð eins og Íslandi. Hver verða skilyrði IMF fyrir lánveitingum? Vilhjálmur Egilsson hefur barist fyrir inngöngu í ESB. Nú sjá allir hvernig ESB virkar í lausfjárkreppu: Hver og einn hugsar um sig og enginn hjálpar öðrum. Beiðni Ítala um sameiginlegar varnir eru blásnar af borðinu þar sem Þýskaland slær skjaldborg um þjóð sína - líkt og Ísland gerir nú.

Það tekur langan tíma fyrir Ísland að komast um borð í ESB skútuna en það er ekkert skjól á þilfarinu þegar stormurinn geisar.

Nú vill Vilhjálmur að við förum í umsjá IMF. Hvað það þýðir veit ég ekki en yfirleitt hefur IMF tekið stjórnina og selt eigur þjóðanna og minnkað samfélagslega þjónustu íbúanna. Ekki er gott að fara úr öskunni í eldinn. Þá er betra að vera í öskunni og vera sjálfbjarga. 

Stjórnvöld eru að vinna að lántöku í Rússlandi og fleiri þjóðir hafa boðið aðstoð sína. Er það styrkleikamerki fyrir fámenna þjóð (sem kölluð hefur verið "stórasta þjóð í heimi") að senda svona misvísandi skilaboð út í heim??? Er ekki nær að við stöndum saman í þessu stríði sem síðustu sólarhringa fer að bera merki Kúbudeilunnar og Þorskastríðanna?

Það er ljóst að "glóbaliseringin" er á fallandi fæti þessa dagana og einangrun þjóða er í spilunum. Það er ekki einsdæmi hér á landi heldur er þetta rætt í Bandaríkjunum sem og í Evrópuríkjunum. Staðan er slæm enda búum við nú við lausafjárkreppu og gjaldmiðilskreppu. Það sem við þurfum allra síst er krónísk leiðtogakreppa í ofanálag þar sem hver höndin er upp á móti annari.

 

Vill fá aðstoð Alþjóða gjaldeyrissjóðsins

Athugasemdir

[Alma Jenny Guðmundsdóttir, 10.10.2008 kl. 00:08]

Mikið er þessi grein einfeldningsleg.

Að sjálfsögðu hugsar hver þjóð um sig.  En þessar þjóðir hafa sameiginlegra hagsmuna að gæta og það er að standa vörð um gjaldmiðil sinn, löggjöf og ýmislegt fleira.

Varðandi króníska leiðtogakreppu - ertu þá að tala um leiðtogakreppu í þínum eigin flokki?

[Stefanía, 10.10.2008 kl. 01:42]

Smá hroki þarna !

[Sigfús Axfjörð Sigfússon, 10.10.2008 kl. 02:39]

Hvaða bull er þetta "hjá ríkri þjóð eins og Íslandi". Færi ekki betur að við horfðumst í augu við staðreyndirnar. Hvernig væri að við færum  að kalla hlutina réttu nafni!

[Gunnar Rögnvaldsson, 10.10.2008 kl. 09:20]

Ég er 100% sammála þér Eyþór. Vilhjálmur Egilsson sem kynnti verðtrygginguna fyrir Íslendingum á sínum tíma, ætti að slaka á og hugsa um eitthvað annað en að reyna að stýra landinu í gengum fjölmiðla.

Kveðjur

[Bjarni Kjartansson, 10.10.2008 kl. 09:21]

Þetta setti ég inn á Silfur Egils.

Bjarni Kjartansson
10. október, 2008 kl. 8.24

Ef mögulegt er, að halda útsendurum IMF í burtu frá Íslandsströndum BER okkur að gera það.

Ef litið er yfir, hvernig þetta lið hefur farið með þær þjóðir, sem leitað hafa til þeirra, blasir við þetta;

1. Kröfur um að grunnatriði þjónustu við almennig verði aflögð með öllu

2. Náttúruauðlindir verði SELDAR og það STRAX.

3. Þar sem ekki eru til aurar innanlands, verði að seja útlendum aðilum auðlindirnar. S:S Kananum eða þeim sem þeir hafa velþóknun á.

Kíkið á S.Ameríku._Afríku ofl.

Það er svo jafn hlægilegt, að það eru SÖMU menn, sem fóru mjög gegn Fjölmiðlafrumvarpinu og ÖLLUM tilraunum til að hemja samsöfnun og fákeppni, skuli Nú segja að HINIR hefðu átt að STANDA VÖRÐ UM og bla bla bla .

Skíthælar og illa upp aldir.

Miðbæjaríhaldið

Það er við þetta að bæta, að nú hafa ESB sinnarnir farið í yfirgír og skauta nú framjá ,,vinahótum" Breta og hinna ,,vinaþjóðana" í ESB.

Bretar eru að missa pundið sitt niður MIÐAÐ VIÐ US$ !!!!!!!  Sem þýðir ekkert annað á mannamáli, að Markaðurinn er að fatta, að Bretinn hefur keypt ogf mikið af ,,dodgy-bre´fum" af Faginum í USA og trúað eins og börnin, að allt væri jummy, sem kæmi frá landi Wrigleys og HERSHEY´S-Bar en þegar bitið var í bréfavöndlana gaus upp lykt sem ég vil ekki sligreina.

AF hverju hota Bretar ekki Kananum árásum??

Miðbæjaríhaldið

Hissa á Bretanum,--eða þannig not!

[Eyþór Laxdal Arnalds, 10.10.2008 kl. 09:43]

Takk Bjarni og Gunnar. Fljótfærni í svona stöðu er það versta sem hægt er að hugsa sér. Ég þakka ríkisstjórn og seðlabanka fyrir að hafa sýnt það hugrekki að lána ekki í spilaborgina peninga lífeyrissjóðana og ríkissjóðs. NÓG ER NÚ TAPIÐ!

Það verður fróðlegt að hlýða á forseta Íslands klukkan 16:00. Skyldi hann minnast á fjölmiðlafrumvarpið?

[Kjartan Pétur Sigurðsson, 10.10.2008 kl. 10:29]

Sú nýfrjálshyggjustefna sem núna hefur beðið risagjaldþrot á Íslandi á aðeins 7 árum er í raun ekki ósvipuð þeim stefnum sem Alþjóða Gjaldeyrissjóðurinn fer eftir svona hugmyndafræðilega séð. Þeir reka öfgahægristefnu eins og hún gerist verst.

Ef þeir taka yfir, þá verður hreinlega allt selt sem hægt er að selja (orkan, fiskimiðin ...) og fólk þarf að greiða allt í topp fyrir alla samfélagsþjónustu (skólar, heilbrigðisþjónusta ...) og einkaframtakið látið ráða og allir verða að bjarga sér sjálfir hver sem betur getur. Því er það frekar absúrd að þar sem þessi stefna fær virkilega að njóta sín í fyrsta skiptið skuli svo þurfa að leita á náðir sjóðsins 7 árum seinna!

Mig grunar að það séu nú þegar fullt af hákörlum tengdir sjóðnum sem hafa áhuga á að komast inn í orkuútrásina, fiskimiðinn, flutningsstarfsemina (flug og skip), bankana, lyfjafyrirtækin ... á Íslandi. Þetta eru í raun allt svið sem Íslendingar hafa verið að standa sig vel í og sýnir kraft í lítilli þjóð sem á ekki að vanmeta. Íslendingar voru bara því miður of litlir og forsjárhyggjan og reynslan ekki nægjanleg til að standast þá skyndilegu peningaþurrð sem bankar heimsins lentu í.

Því miður stækkaði boltinn allt of hratt

Þetta er líklega það sem Ráðamenn þjóðarinnar eru skíthræddir við, fyrir svo utan það að þeir myndu missa öll ráð og völd á stjórn landsins (sem í raun eitt og sér er það sem þarf nauðsynlega að gerast).

Tek undir orð Bjarna hér á undan.

[Greta Björg Úlfsdóttir, 10.10.2008 kl. 12:15]

Ef þú kíkir á síðuna mína sérðu svipaðan pistil, í öðrum búningi 

Það er úr vöndu að ráða. Við erum hnípin þjóð í vanda, en sá vandi sýnist mér geta orðið að alheimsvanda, ef allt fer á versta veg. Vitrir menn hafa varað við þessari þróun lengi, jafnvel áratugum saman, en fáir hafa hlustað. 

Enda gildir kannski gamla máltækið að ekki verði feigum forðað.

Við eigum sem þjóð fyrst og fremst að treysta á okkur sjálf og varast öll gönuhlaup.

[Jón Aðalsteinn Jónsson, 10.10.2008 kl. 12:51]

Mér virðist Vilhjálmur og félagar bara vilja komast upp í hja einhverjum nokkurskonar korter fyrir þrjú syndrom Sínum biðlund þetta er að koma Sá hlær best sem síðast hlær

[Júlíus Valsson, 10.10.2008 kl. 15:08]

Góður pistill hjá þér Eyþór. Hvað nú með verulega aðstoð frá USA? Má ekki nefna það?

[Eyþór Laxdal Arnalds, 10.10.2008 kl. 15:22]

Mig grunar að meint mistök seðlabankastjóra þegar hann greindi frá Rússaláninu hafi vakið einhverja í Washington.

[Júlíus Valsson, 10.10.2008 kl. 15:44]

Hver sagði að DO væri farið að förlast? Ég er bara undrandi á því að SB skuli ekki lækka stýrivextina.

[Eyþór Laxdal Arnalds, 10.10.2008 kl. 15:53]

Þeir verða lækkaðir þegar ljóst er að víxlvirkjun verðlags.

[Eyþór Laxdal Arnalds, 10.10.2008 kl. 15:53]

Þeir verða lækkaðir þegar ljóst er að víxlvirkjun verðlags verða ekki að veruleika. 

[Sigurður Þórðarson, 10.10.2008 kl. 21:33]

Flott færsla Eyþór. Frjálslyndi íhaldsmaðurinn, Bjarni Kjartansson, mælir hér fyrir munn skynseminnar eins og svo oft áður.  Vonandi komumst við í gegn um þetta með samheldni.

[Þórarinn Sigurður Andrésson, 11.10.2008 kl. 02:44]

Ællar þú nú að fara draga forseta Íslands inn í stjórnar vitleysu undanfarinna ára?