Jólaljósin

Kveikt var á jólaljósunum í froststillu fyrir utan ráðhúsið á Selfossi klukkan 6 í gær. Hvít snjóföl kom öllum í jólaskap. Margir fengu sér kakó og það var léttara yfir fólki en verið hefur síðustu vikurnar. Mikill fjöldi barnavagna setti svip sinn stéttina fyrir framan bókasafnið.

Jólin 2008 verða erfið fyrir marga og því mikilvægt að þeir sem geta hjálpað til leggi sitt af mörkum. Kirkjan er einn farvegur sem nú er mikilvægur meðal annars með hjálparsjóðum. Vert er að minna á að hver króna getur skipt máli.

Jólaljósin eru tákn um von. Við skulum leggjast á eitt að gera jólin gleðileg.

Athugasemdir

[Eygló Sara , 21.11.2008 kl. 15:58]

Ég er sko sammála þér Eyþór. Ég elska jólastemmingunaOg ég er viss um að allir leggi sitt af mörkum.

[Jón Snæbjörnsson, 21.11.2008 kl. 18:36]

Rétt hjá þér Eyþór þessi jól þurfum við öll að passa hvort annað mjög vel - var einmitt að klára að setja jóla-útiljósin í lítil tré sem við erum með fyrir utan eldhúsgluggann - þau koma til með að gefa okkur birtu hér heima sem og þeim sem leið eiga um

hafið góðar stundir

[Rósa Aðalsteinsdóttir, 21.11.2008 kl. 18:40]

Sæll frændi

Ég hlakka svo til að setja upp jólaljósin og hlakka til jólanna þó það þurfi að hugsa öðruvísi en oft áður. Það er allt í lagi, jólin koma með frið og gleði. Það þarf ekki að taka lán og aftur lán fyrir jólagjöfum. Fólk á bara að komast að samkomulagi að gefa ódýrari gjafir.

Guð veri með þér og ykkur öllum á Selfossi

Kær kveðja frá hjara veraldar