Skynsamleg forgangröðun

Auðvitað á að ræða um efnahagsmál. Þau eru mál málanna en ekki áfengissala í matvöruverslunum eða ESB stefnumótun. Það er jákvætt skref að ákveða þessa forgangsröðun í samráði við formenn allra flokka. Nú reynir á að menn standi saman í að verja hagsmuni Íslands og ekki síst fjölskyldnanna. Efnahagsmálin eru jú meira en meðaltalstölur því á bak við hverja tölu er saga og fólk. Mótmælin eru orðin mjög mikil og almenn og það er mikilvægt að fólk hafi von. Ofbeldi leysir ekkert.

Ríkið hefur heljarmikið hlutverk í dag og það fær bestan vinnufrið með réttri forgangsröðun. Það verður fróðlegt að fylgjast með áhersluatriðum í endurreisnarstarfinu. . .

Rætt um efnahagsmál á morgun

Athugasemdir

[Rafn Haraldur Sigurðsson (IP-tala skráð) 21.1.2009 kl. 15:31]

Er ekki alveg eins gott að ræða um það eins og hvað annað. Ég sé ekki að það komi neitt af viti frá þessari ríkisstjórn. Hún annaðhvort þegir eða lýgur.

Skál

Rafn

[Ransu, 21.1.2009 kl. 15:41]

Það er svosem hægt að ræða efnahagsmál endalaust án þess að gjöra nokkurn skapaðan hlut. Og þannig er þessi ríkisstjórn.

Ekki virðist forusta Sjálfstæðisflokksins taka mótmælin alvarlega.

Geir H. Haarde kvartar yfir að fá ekki vinnufrið og fattar ekki að mótmælin eru vegna þess að fólk vill ekki hafa hann áfram í þessari vinnu.

Og Árni Matt vinkar mótmælendum út um gluggann brosandi eins og hann haldi að þau séu að hylla hann. 

Gersamlega sjálfhverft ráðherragengi.

[Gunnar Rögnvaldsson, 21.1.2009 kl. 19:36]

Komið þið sæl

Það var þó gott að fólkið þurfti ekki að taka flugið til Brussel til þess að mótmæla. Því þá hefði því einungis verið sagt að Brussel myndi leysa fólkið upp og kjósa sér nýtt fólk.

Kveðjur

PS: IMF setur náttúrlega ríkisstjórninni vissar skorður og sem hvaða ríkisstjórn sem er þarf að búa við. Svona er þetta.

[Loftur Altice Þorsteinsson, 21.1.2009 kl. 21:04]

Því miður er Samfylkingin búin að setja umræðuna í fáranlegan farveg og glæpsamlegan. Að neyða Sjálfstæðisflokk að ræða aðild að ESB í 11 vikur, á meðan verðbólgu-bálið eyðir fjárhag þjóðarinnar, eru hrein og klár landráð.

Samþykkt miðstjórnar Framsóknarflokks frá í dag, bendir ekki til að í gangi hafi verið umræða um nýja ríkisstjórn, án Samfylkingar. Stjórnkerfi landsins er því ekki að virka og Sjálfstæðismenn verða að meta stöðuna mjög gaumgæfilega, fram að landsfundi og á honum.

Engin rannsókn virðist vera í gangi á réttmæti núgildandi peningastefnu. Ekki virðist vera ætlunin að taka upp nýjan og sterkan gjaldmiðil. Jafnvel virðist engin tilraun vera í gangi, að styrkja gömlu Krónunnar, þannig að létti af verðbólgu-þrýstingi og eignabruna.

Er ætlunin að ganga svo fram af fólki, að Íslendingar láti ásakanir Gordon Bulldog Brown verða að raunveruleika ? Hér vaxi upp kynslóð hryðjuverkamanna, sem gefi Mújahidum ekkert eftir ?