Framsókn Sigmundar - þriðji flokkur Guðmundar

Guðmundur Steingrímsson mun á morgun kynna stofnun nýs flokks en eitthvað lak stofnun hans út í dag. Guðmundur hefur verið í Samfylkingunni og Framsóknarflokknum (tvisvar) og nú stofnar hann þriðja flokkinn.

Það vekur athygli að það virðist vera áhugi Guðmundur á inngöngu Íslands í ESB sem knýr hann áfram til að stofna sérstakan stjórnmálaflokk. Þó er það svo að eitt stjórnmálaaflið; Samfylkingin hefur ESB inngöngu á oddinum. Það er því spurning hvort Guðmundur þurfi að stofna þriðja flokkinn. Hefði ekki verið nær að snúa aftur?

Tímasetningin er líka sérstök. Aldrei hafa verið meiri efasemdir um ESB og evruna en nú. Ekki síst í Evrópu sjálfri. Og hafa þó efasemdirnar verið miklar hjá mörgum.

Guðmundur er kominn af þjóðþekktum framsóknarmönnum og man ég vel kynni mín af föður Guðmundar honum Steingrími Hermannssyni, ekki síst í kringum stofnun og upphaf Heimssýnar en við sátum báðir í fyrstu stjórn þess félags sem nú mæðir mikið á. Það var engin skammsýni að stofna það.

Mér finnst Framsókn undir stjórn Sigmundar Davíðs vera framsýn: Það er fleiri og betri möguleikar fyrir Ísland en að ganga í ESB.

Ekki líklegt til að veikja Framsókn

Athugasemdir

[hilmar jónsson, 22.8.2011 kl. 23:27]

Af hverju svissarðu ekki bara yfir til Sigmundar Eyþór ? Aðadáunin og hrifningin hömlulaus....

[Eyþór Laxdal Arnalds, 22.8.2011 kl. 23:41]

Gott er að geta glaðst yfir góðu.

[Gissur Jónsson, 23.8.2011 kl. 01:57]

Eyþór þekkir nú nokkuð til góðra Framsóknarmanna á Selfossi og veit hvað hann segir. :)

Kv. Gissur

[Flosi Kristjánsson, 23.8.2011 kl. 11:18]

Athafnir Guðmundar og aðkoma annarra að þeim benda til þess að fylgjendur aðildar að Evrópusambandinu beiti sér af krafti til að kljúfa samstöðu innan þeirra flokka sem standa gegn aðild. Það er þó eftirtektarvert að menn beiti sér að Guðmundi Steingrímssyni sem hefur engum framgangi náð innan flokka þeirra sem hann hefur bundist.

Skyldu menn hafa beitt þeirri röksemd að hann ætti svo miklu betra skilið, sonur forsætisráðherra og sonarsonur forsætisráðherra? Þessi ungi þingmaður hefur ekkert látið til sín taka á Alþingi, þannig að brottför hans úr bændaflokknum sætir ekki þeim tíðindum sem almannatenglar vilja vera láta. Hins vegar er hönnuð hádramatísk atburðarás utan um þessa ekki-frétt og hefur þann tilgang helstan og fyrstan að láta eins og flótti sé brostinn í lið framsóknarmanna.

[Magnús Bjarnason (IP-tala skráð) 23.8.2011 kl. 11:31]

Það er kerkja meðal frjálslyndra-borgaraafla sem eru hlynntir ESB viðræðum. Ef Guðmundur og þeir sem standa honum nær ná flugi, þá munu þeir sækja fylgi til arms frjálslyndra Sjálfstæðismanna og hægri krata í Samfylkingunni. Þannig að framsýni Sigmundar gæti kostað þá Sjálfstæðismen sem taka mark á helgarblaði Fréttablaðsinns. Það verður allavega spennandi að sjá hvað Kópavogshópurinn gerir og hvernig málin þróast.

[Guðmundur St Ragnarsson, 23.8.2011 kl. 16:27]

Það er rétt að það "virðist" vera áhugi Guðmundar að stofna nýjan evrópusinna-flokk sem knýr hann frá Framsókn. Ástæðan gæti þó einnig (í og með) verið önnur t.d. sú að mjög öflugur maður, Ásmundur Daði, nú góður og gildur framsóknarmaður, er í kjördæmi Guðmundar sem minnka verulega líkur hans á endurkjöri til þings þegar þar að kemur?

[Þórður Óskarsson, 23.8.2011 kl. 20:18]

Sá er orðinn örvæntingarfullur. Sér hann fram á að þurfa að leita sér að atvinnu eftir næstu kosningar. Allavega hefði hann ekki komist að í sínu kjördaæmi þar fer sennilega fram maður sem ber höfuð og herðar yfir hann.

[Jón Á Grétarsson, 1.9.2011 kl. 21:09]

Guðmundur á ekki roð í Ásmund í sama kjördæmi.  Framsóknarflokkurinn fer að vera mjög álitlegur með þessum nýjustu breytingum!