Föstudagurinn langi

Föstudagurinn langi hefur löngum verið mesti sorgardagur kirkjuársins og hafa allar skemmtanir verði bannaðar svo lengi sem menn muna. Þá er þess minnst þegar Kristur dó á krossinum. Orðið skemmtun er nátengt orðinu skammur og er ekki talið við hæfi að kristnir menn stytti sér stundir á þessum degi. Ferðamenn sem komið hafa til Íslands hafa oft fundið til þess hvað lítið er opið þennan dag, jafnvel hefur verið erfitt að fá veitingaþjónustu. Viðhorfin og tímarnir breytast, en undanþágur við skemmtanahaldi hafa verið fáar.

Nú bregður svo við að halda á keppni um fyndnasta mann Íslands á föstudaginn. Oddur Eysteinn Friðriksson, umsjónarmaður keppninnar, segist ekkert sjá að þessu og segir: „Ég sé ekkert óviðeigandi við að fyndnasti maður Íslands sé krýndur á sama degi og Kristur var krýndur sinni kórónu,“

Hvernig verða brandararnir á föstudaginn?

„Fáránlegt“ að úrslitakvöld Fyndnasta manns Íslands sé á föstudeginum langa

Athugasemdir

[halkatla, 4.4.2007 kl. 10:38]

oj, ég er nú ekki mikill suðari né tuðari en ég þoli ekki þetta, úff, vonandi er ég ekki sú eina sem hneykslast

[Már Högnason (IP-tala skráð) 4.4.2007 kl. 11:27]

Í tilefni af passíusálmi nr. 51.

[Oddur Eysteinn Friðriksson (IP-tala skráð) 4.4.2007 kl. 12:18]

Ég mun mæta í kufli með 4 gullfallegar léttklæddar dömur upp á armana upp á svið og lesa úr biblíunni.

[Ólafur Als, 4.4.2007 kl. 12:38]

Og eftir stendur, að allir hneykslast, hver um annan þveran. Jafnvel þeim sem stendur á sama.

[Valdimar Gunnarsson, 4.4.2007 kl. 16:20]

Hver maður á að fá að gera það sem honum sýnist, hvar sem er og hvenær sem er. Þið hin getið bara tottað súrt!

[Grétar Amazeen (IP-tala skráð) 4.4.2007 kl. 17:08]

http://www.myconfinedspace.com/watermark.php?src=wp-content/uploads/2006/06/lol-jesus-brb.jpg

[Axel Jón Fjeldsted (IP-tala skráð) 4.4.2007 kl. 21:55]

Þetta er allt gott og blessað