Jólaljósin

Kveikt var á jólaljósunum í froststillu fyrir utan ráðhúsið á Selfossi klukkan 6 í gær. Hvít snjóföl kom öllum í jólaskap. Margir fengu sér kakó og það var léttara yfir fólki en verið hefur síðustu vikurnar. Mikill fjöldi barnavagna setti svip sinn stéttina fyrir framan bókasafnið.

Jólin 2008 verða erfið fyrir marga og því mikilvægt að þeir sem geta hjálpað til leggi sitt af mörkum. Kirkjan er einn farvegur sem nú er mikilvægur meðal annars með hjálparsjóðum. Vert er að minna á að hver króna getur skipt máli.

Jólaljósin eru tákn um von. Við skulum leggjast á eitt að gera jólin gleðileg.

"Finnska leiðin" í DV ...og í atvinnuleysistölum

Sumum hefur verið tíðrætt um "finnsku leiðina" út úr kreppunni og látið í það skína að þar hafi menn leyst málin vel.

Staðreyndin er sú að kreppan var hörð og löng og hefur sjaldnast farið undir 8% atvinnuleysi.

Íslenska leiðin út úr kreppum hefur yfirleitt verið gengisfall og kaupmáttarrýrnun með mun minna atvinnuleysi en í Evrópu. Atvinnuleysið veldur glæpum og hörmungum.

Í DV segir Sigurbjörg Árnadóttir sögu sína og sögu finnsku kreppunnar og leyfi ég mér að vitna hér í kafla:

Í upphafi efnahagsþrenginganna í kringum 1990 var Sigurbjörg ein þeirra fjölmörgu í Finnlandi sem misstu vinnuna. Hún var þó lánsöm og fékk strax aðra vinnu. „Ég fór að vinna sem fréttaritari hjá íslenska ríkisútvarpinu. Auk þess sem ég skrifaði bækur, kenndi og starfaði við ferðaþjónustu.“
Sigurbjörg segir aðdragandann að finnsku kreppunni hafa verið mjög líkan aðdraganda þeirrar kreppu sem nú er að hefjast hér. „Þetta var í raun nákvæmlega sami pakkinn og hérna. Neyslufyllerí og bankasukk. Gengið var alltof hátt skráð, vextir voru háir, fólk var að taka myntkörfulán og allur pakkinn. Maður þurfti að vera mjög jarðbundinn til þess að standast gylliboð bankanna.“
 
Hún segir það mikinn misskilning að Finnar hafi greitt hratt og örugglega úr sínum málum heldur hafi aðgerðaleysið verið algjört fyrstu árin. Niðurskurður hafi bitnað harkalega á þeim sem minnst máttu sín. Uppgangurinn var á kostnað mannslífa og geðheilsu þjóðar sem enn sýpur seyðið af kreppunni.

Það sem er kannski að rugla menn í ríminu er að upp úr finnsku kreppunni varð NOKIA undrið til. Stígvélaframleiðandinn sem fór að framleiða farsíma. Málið er að NOKIA var ekki ríkisfyrirtæki og varð til fyrir röð tilviljanna og vegna einbeittra stjórnenda sem höfðu mikinn kjark. Þrátt fyrir NOKIA varð atvinnuleysi mikið og það sem verra er; krónískt atvinnuleysi hátt.

Set hér inn til fróðleiks niðurbrot á viðvarandi atvinnuleysi Finna fyrir og eftir kreppu:

 

The number of long-term unemployed people and their share of unemployment and the labour force, using different criteria, at the end of 2000

Status	Number	Share of unemployment	Share of labour force
Unemployed/on re-employment schemes	347,500	100.0%	13.5%
Unemployed for 12 months	72,000	20.7%	2.8%
Unemployed for 24 months	32,300	9.3%	1.3%
Unemployed/on re-employment schemes for 12 months	132,600	38.2%	5.2%
Unemployed/on re-employment schemes for at least 12 months in 1999-2000	244,900	70.5%	9.5%
Chronically unemployed, total:	154,700	44.5%	6.0%
- since before 1991	9,100	2.6%	0.4%
- since 1991-4	48,900	14.1%	1.9%
- since 1995-7	42,800	12.3%	1.7%
- since 1998-9	53,800	15.5%	2.1%

Source: Simo Aho (2004): Kroonisen työttömyyden laajuus, rakenne ja syntytausta, Ministry of Labour.

Sóknarfæri á Suðurlandi

Í kreppunni er mikilvægt að sjá sóknarfærin. Á Suðurlandi eru margar helstu náttúruperlur landsins enda koma hingað erlendir ferðamenn umvörpum. Einkaaðilar í ferðaþjónustu hafa unnið óeigingjarnt starf í að byggja upp margs konar þjónustu sem má nýtast allt árið í kring. Haustið, snjórinn, réttir, jólin og áramótin eru allt tækifæri til enn frekari sóknar í ferðamennsku. Suðurlandsvegurinn er lífæð í ferðaþjónustunni og tvöföldun hans er hluti af því að styrkja ferðamennsku innanlands allan ársins hring.

Þá er ekki síður tækifæri í innlendum ferðamönnum en með lægri krónu verður ákjósanlegt fyrir marga að ferðast frekar innanlands. "Ísland sækjum það heim" hefur sjaldan átt betur við.

Nú er framundan árlegt þing sambands sunnlenskra sveitarfélaga (SASS) og er ég viss um að þar verði þessi sóknarfæri á Suðurlandi rædd ítarlega. Nú er lag að byggja á góðum grunni.

Fjölmiðlalög fyrir jól?

Menntamálaráðherra hefur frumvarpið enn og nú hefur berlega komið í ljós að full þörf var og er á því frumvarpi. Frumvarpið var reyndar samþykkt af Alþingi þann 22. júlí 2004 með 32 atkvæðum stjórnarliða, en þingmenn stjórnarandstöðu sátu hjá. Engin mótatkvæði voru. Framhaldið þekkja menn þegar forseti synjaði lögunum staðfestingar.

Alþingismenn hafa kvartað yfir því að hafa ekki nóg fyrir stafni og fá of lítið af upplýsingum. Hér er kjörið tækifæri fyrir kjörna fulltrúa að drífa nú fjölmiðlalög í gegn fyrir jól.

Að óbreyttu stefnir í einokun ofan á allt annað.

Fjölmiðlar í heljargreipum

Icesave stríðið búið - Guðni Ágústsson hættir

Þá er Icesave málið komið í einhvers konar farveg. Alveg örugglega ekki þann sem við Íslendingar hefðum kosið. Nú eru miklar ábyrgðir lagðar á ríkissjóð og óvíst hvað fæst fyrir lánasafn Landsbankans. Íslendingar unnu þorskastríðin en þetta stríð vann Bretland. Eins og forsætisráðherra sagði réttilega er þetta "ömurlegt mál á alla lund."

Komið hefur í ljós að ESB og IMF tóku höndum saman við að neyða Íslendinga til samninga um Icesave á erfiðustu stundum lýðveldissögunnar. Málin voru spyrt saman öfugt við það sem menn héldu og vonuðu. Þetta er sorgleg niðurstaða en sennilegast óumflýjanleg þegar málin voru komin á hart við ESB eins og það leggur sig. Eins og maðurinn sagði: "with friends like these...who needs enimies?"

--------

Það er skammt stórra högga á milli hjá þingmönnum Framsóknar úr Árnessýslu. Sú var tíðin að hér væri Framsókn helsta aflið en nú hafa þeir Guðni Ágústsson og Bjarni Harðarson (báðir frá Selfossi) sagt af sér þingmennsku. Þar faraþeir tveir helstu málsvarar Framsóknar sem efast hafa um kosti ESB fyrir Ísland. Það er því á hreinu að Framsókn stefnir í að verða ESB flokkur.  Ekki er ég viss um að fylgið sópist að þeim við það eitt. Það er sjónarsviptir af Guðna Ágústssyni frá Brúnastöðum enda einn litríkasti stjórmálamaður á þingi síðust árin. Eygó Harðardóttir kemur nú inn en mér hefur líkað vel við það sem ég hef séð til hennar.

Nú er að fylgjast með nýrri Framsókn....

ESB hefði jafnvel sagt upp EES-samningi við Ísland

Fundur með Bjarna Ben

Í gær var opinn fundur um efnahagsmálin, gjaldmiðilinn og fjárhagsstöðu bæjarins á Hótel Selfossi. Bjarni Benediktsson var sérstakur gestur og fjallaði hann um aðdraganda bankhrunsins, stöðuna og leiðir fram á við.  Fundurinn var hreinskiptin og mjög þarfur enda brennur ófremdarástandið á mörgum. Þorsteinn Garðar formaður Óðins stjórnaði fundinum en vegna mikils áhuga lengdist hann um klukkutíma. Harðir stuðningsmenn Sjálfstæðisflokksins til áratuga sögðu sínar skoðanir umbúðalaust. Svona fundur er mikilvægur til að fólk fái að tjá sig og svo lýðræðisleg umræða sé virk. Landsfundur Sjálfstæðisflokksins er innan skamms og því mikilvægt að sem mest umræða verði á næstu vikum og mánuðum.

Nú er aftur kominn tími funda, skoðanaskipta og ekki síst; aðgerða.  

ESB

Umræðan um samskipti Íslands við ESB er af hinu góða. Skipan nýrrar nefndar á vegum Sjálfstæðisflokksins mun gagnast vel í því hagsmunamati sem landsfundur mun horfa til þegar samskiptin við ESB verða endurmetin. Sjálfstæðisflokkurinn þarf að horfa fram á við með langtímahagsmuni þjóðarinnar að leiðarljósi.

Það er sérkennileg staða sem komin er upp í samskiptum okkar við ESB vegna EES samningsins, Icesave reikninganna og IMF lána. Óþægilegar grunsemdir um að neyðarlánum til Íslands yrði blandað saman við uppgjör (uppgjöf?) vegna Icesave hafa ræst með þeim hætti að ESB í heild hefur tekið að sér varðstöðu gegn litla Íslandi.

Flestir eru á þeirri skoðun að krónan sé illverjanleg enda minnsta mynt í heimi en hagkerfið okkar mjög skuldsett í erlendri mynt. Það er því von að menn hafi velt upp þeim möguleika að taka upp aðra mynt jafnvel einhliða. Það hefur verið gefið til kynna að ESB muni ekki lítast vel á að við tækjum upp evruna án þess að fara formlega í ESB og EMU. Þar sem engin leið er til þess að við uppfylltum Maastricht skilyrðin næstu árin væri niðurstaðan því sennilegast innganga í ESB án evru. Þess vegna hafa sumir bent á USD eða jafnvel NOK sem aðra valkosti. Sennilegast verður enginn þessara kosta valinn og við höldum áfram með krónuna og setjum hana á flot að nýju. Það verður ekki auðvelt en evra á grundvelli EES samningsins hugnast ESB ekki.

Það eru sem sagt margar hliðar á ESB í dag - burtséð frá langtíma kostum þess og göllum. Nú verður fróðlegt að fylgjast með umræðunni sem á eftir að verða fjörug á næstu vikum og mánuðum.

Landsfundur á nýju ári hlýtur að verða sögulegur.

 

Einhliða upptaka annars gjaldmiðils

Hugmyndir um að taka upp annan gjaldmiðil í stað krónunnar hafa fengið aukinn hljómgrunn síðustu daga. Tafir á láni IMF hefur virkað illa á fólk enda er þrálátur orðrómur um að Bretar hafi fengið stuðning ESB við að tefja lánið. Illt er ef satt reynist.

Þá hafa menn bent á að upptaka evru geti farið fram einhliða með uppkaupum á íslenskum krónum. Þetta hefur verið gert hjá mörgum smáríkjum. Í kvöld voru hagfræðingarnir Geir Zoega og Ólafur Ísleifsson og voru þeir báðir á því að evran væri til mikillla bóta en voru með efasemdir um evru án ESB ekki síst þar sem ESB gæti mislíkað þetta. Ekki er gott ef ESB reynist helsti Þrándur í Götu evrunnar á Íslandi.

Þá er spurningin um aðra gjaldmiðla. VG hafa viljað norska krónu en fyrir utan frændsemi Norðmanna má segja að þar sé auðlindaþjóð í nágrenni okkar og því rök fyrir því að taka upp þennan gjaldmiðil. Gallinn er hins vegar sá að norska krónan er lítil og við þá orðin ansi nátengd og háð norska hagkerfinu.

Þá er það svissneski frankinn og bandaríkjadalurinn. Báðar myntirnar eru virtar en ég þekki ekki hvernig myndi ganga að taka upp CHF. Hitt er annað mál að USD hefur verið notuð víða sem mynt án þess að ríki séu skyldug til að ganga í USA.

Þessi umræða er góð og vonandi verður hún gagnleg. Áhættan við krónuflotið er mikil. En ekki er síður uggvænlegt að finna hve lánveitingar til okkar Íslendinga ganga hægt. Við erum komin með lánsloforð frá Norðmönnum, Færeyingum og Pólverjum fyrir 1 milljarði USD. Ef ég man rétt voru skuldir Exista um 8 milljarðar USD um síðustu áramót. Það er því þörf á góðum hugmyndum.

Góð ráð eru dýr. Eða að minnsta kosti dýrmæt.

Kínverjar til bjargar?

Ríkisstjórnin hefur sent bréf til kínverskra kollega sinna og beðið er svars. Vonir standa til að þeir geti lagt Íslendingum lið með stóru láni. Biðin eftir lánapakka er farin að vera pínleg og ekki hjálpa nýjar fréttir af eymd og óeirðum á Íslandi.

Í dag kynntu Kínverjar áætlun til að verja efnahagskerfi sitt og vöxt eins og lesa má um hér á Bloomberg. Þetta eru 586 milljarðar USD sem er um 1/3 af þjóðarframleiðslu Kínverja. Menn telja að þetta geti örvað hagvöxt Kína um ca 2%.

Athyglisvert er að sjá að aðaláherslan er á innviði eins og vegi og flugvelli. 
Suðurlandsvegur anyone?.  

 

 

 

 

 

 

 

 

 

Baugsþing - Kaupþing - Þjóðþing - Alþingi

Alþingismenn kvarta yfir því að þeir ráði hvorki för né fái að vita hvað sé að gerast.
Þó er Alþingi okkar þjóðþing og setur lög og ákveður fjárútgjöld ríkisins.
Kaupþing (síðar Kaupthing og KB Bank) hefur verið í umræðunni vegna kaup-réttar og þing-manna.

Og svo þetta:

Er verið að gefa í skyn að þjóðþingið sé kaupþing Baugs?

Aðhald í rekstri - lægri laun okkar bæjarfulltrúa

Sveitarfélögin hafa ekki náð að safna sjóðum í góðærinu. Í sumum tilfellum er það vegna þess að þar er fólksfækkun eða erfiðar aðstæður. En í mörgum tilfellum hefur verið farið í aukin útgjöld samhliða góðæristekjum. Skuldsetning sveitarfélaga hefur verið mikil og nær undantekningalaust hafa fjárfestingar verið fjármagnaðar með lántökum.

D-listinn í Árborg (sem hefur 4 fulltrúa af 9) hefur lagt fram sparnaðartillögur sem snúa sérstaklega að rekstri og óþörfum fjárfestingum. Má hér nefna tillögur um að lækka laun okkar bæjarfulltrúanna um 25%, lækkun nefndarlauna um 20% og að bæjarstjóri verði eingöngu á bæjarstjóralaunum en ekki með bæjarfulltrúalaun að auki. Vonandi næst samstaða um þessar tillögur.

Það er erfitt að biðja íbúana að axla þyngri álögur á sama tíma á krepputímum. Fyrsta skrefið hlýtur að vera að lækka rekstrarkostnað og byrja á stjórnsýslunni sjálfri.

Þyngri álögur á íbúa?

Aulafyndni hjá World Bank

World Bank gegnir miklu hlutverki á krísutímum og þeir hafa sett upp "krísuspjall" en þar er að finna  þennan vafasama brandara um Ísland:

What's the capital of Iceland?

About £3.50

-----------

Hér er svo lýsing á krísuspjallinu:

"Crisis Talk aims to provide the latest information on the unfolding financial crisis, both on specific countries and sectors, as well as on the global crisis response. The blog will also feature opinions on what solutions may be possible, what shape the financial sector may take in the future, and how the crisis affects the real economy. The views and commentary of internationally-recognized experts will also be solicited by Crisis Talk hosts."

CCP - EVE online

Það er virkilega ánægjulegt að sjá hvað EVE Online er orðin stór leikur - jú og stórt samfélag. Nú í kreppunni er útlit fyrir 50m USD tekjur á næsta ári. Sprotinn er orðin stór eik.

Margir þeir sem stóðu að stofnun CCP komu frá OZ. Sumar hugmyndir CCP í EVE Online skyldar sumum pælingum OZ eins og "spacechat" avatarar og fleira. OZ fór til Kanada en skyldi eftir sig nokkra sprota. Nú er einn þeirra sprunginn út sem aldrei fyrr. Bankabólan gerði rekstur CCP erfiðari vegna hárrar krónu og launaskriðs. Nú er samkeppnisstaða CCP betri en fyrr og sennilega meiri líkur en áður á að fyrirtækið verði áfram á Íslandi.

Veitir ekki af ljósum punktum í myrkrinu.

Réttur tónn

Íslendingar hafa séð það svart áður. Það eru mikilvæg skilaboð til Íslendinga, Breta og IMF að við látum ekki kúga okkur við þessar aðstæður. Eða nokkrar aðrar.

Málstaður Breta er vondur. Hryðjuverkalögin voru misneyting á neyðarrétti.

Geir gerir vel að halda þessu fram.

Við hættum frekar við lánið

Safnahelgi á Suðurlandi

Um næstu helgi er stórt samstarfsverkefni á Suðurlandi þar sem menningartengd ferðamennska er í brennidepli. Boðið er upp á fyrirlestra, villibráðarveislur, tónleika og sýningar um allt Suðurland. Dagskráin er í raun svo stór og viðamikil að ég stóðst ekki freistinguna að birta hana hér að neðan. Heimasíðan sofnasudurlandi.is er með efnið. Mæli með því að Íslendingar sæki Suðurland heim um helgina. - Veljum íslenskt í kreppunni.

Safnahelgi á Suðurlandi 7. – 9. nóvember 2008

Matur og menning úr héraði

Dagskrá

Kirkjubæjarstofa á Kirkjubæjarklaustri

Föstudagur 7. nóvember

Kl. 20:30                      Þorvaldur Friðriksson útvarpsmaður flytur fyrirlestur á Hótel Klaustri sem  nefnist: Nýjar upplýsingar um keltneskar rætur örnefna á Íslandi. Aðgangur ókeypis.

Sunnudagur 9. nóvember

Kl. 13:00-16:00            Sagan í sandinum - Klaustrið á Kirkjubæ og  Á slóðum Skaftárelda- eldfjall, maður, náttúra. Lifandi leiðsögn í sýningarsal Kirkjubæjarstofu.

Heitt á könnunni og aðgangur ókeypis.  

  

Héraðsbókasafnið á Kirkjubæjarklaustri

Laugardagur 8. nóvember

kl. 14:00-17:00            Opið hús hjá bókasafninu þar sem boðið verður upp á kaffi og konfekt. Ungir og aldnir verða með upplestur.

  

Hótel Klaustur á Kirkjubæjarklaustri

Laugardagur 8. nóvember: Meiriháttar villibráðarhlaðborð, allt rammvillt og nýveitt

Rúnar matreiðslumeistari töfrar fram heilan helling af indælisréttum svo sem villibráðarsúpu, langtímaeldaða gæs með bláberjasultu, kofareyktan sjóbirting, kaffimarineraða bleikju, grafinn sjóbirting, heitreykta bleikju, ál á eggjabrauði, grafið lamb, hreindýrapaté, saltfisk (sem villtist á borðið), kofareykt hangikjöt, andaconfit, reykta önd, lunda o.s.frv. Getur ekki íslenskara orðið.

Eftirréttir eins og rammvillt konfekt og kaffi, nýuppáhellt með íslensku vatni.

Lifandi tónlist.

Sértilboð á gistingu .

   

Veitingastaðurinn Ströndin við Víkurskála

Laugardagurinn 8. nóvember: Fýlaveisla

Fýll var mikil búbót fyrir mörgum árum síðan og étinn einu sinni í viku á sumum bæjum allan veturinn. Í dag þykir þetta herramannsmatur og er mikil hátíð þegar fjölskyldur og vinir koma saman til að snæða fýl.

Fýlaveislan í Vík er einmitt hugsuð til þess að fá fólk til að koma saman. Heimamenn, brottfluttir, vinir og vandamenn hittast til að snæða fýl sem er sérstakt mýrdælskt fyrirbæri.

Fýllinn sem verður á borðum var veiddur og verkaður í byrjun september en er svo búinn að liggja í salti síðan.

Fýlaveislan hefst kl 20.00 og á borðum verður fýll, kartöflur og rófur og mikið af smjöri, einnig verður í boði hangikjöt og uppstúfur til tilbreytingar.

Veislustjóri verður Árni Johnsen og seinnipart kvölds verður lifandi tónlist inn í nóttina.

 

Brydebúð í Vík

Laugardagur 8. nóvember

Kl. 14:00-16:00            Mýrdalur - mannlíf og náttúra, Gott strand eða vont, Sigrúnarstofa. Aðgangur ókeypis.

 

Héraðsbókasafn Vestur-Skaftafellssýslu í Vík

Laugardagur 8. nóvember

Kl. 14:00-16:00            Bókasafnið opið, allir velkomnir.
Gestir geta valið sér sér bækur af hlaðborði til eignar.

 

Skógasafn

Opið alla daga kl. 11 – 16. Aðgangur ókeypis um safnahelgina

Skógakaffi opið laugardag og sunnudag.

Laugardagur 8. nóvember    

Kl. 11:00-16:00            Fjölskylduleikur.

Kl. 11:00                      Leiðsögn með Þórði Tómassyni.

Kl. 14:00-14:45            Gömul sálmalög - Tónleikar í Skógakirkju.

Söngur: Magnea Tómasdóttir, sópran.

Sunnudagur 9. nóvember

Kl. 11:00-16:00            Fjölskylduleikur.

Kl. 11:00                      Barnaleiðsögn með börnum fyrir börn.

Kl. 12:30                      Handverkssmiðja.

Kl. 14:00                      Messa í Skógakirkju, séra Halldór Gunnarsson, sóknarprestur.

                                    Söngur: Magnea Tómasdóttir. Organisti: Smári Ólason.

Kl. 15:00                      Kirkjukaffi í Samgöngusafninu.

  

Skógakaffi, Skógum

Kjötsúpa og  pönnukökur með rjóma verða á boðstólum alla safnahelgina.

  

Héraðsbókasafn Rangæinga Hvolsvelli

Bókasafnið verður opið kl. 14:00-17:00 laugardaginn 8. nóvember.

Boðið upp á kaffi og ástarpunga.

Laugardagur 8. nóvember

Kl. 14:30                      Sögutorg. Bókasafnið verður að miðbæjartorgi þar sem sögumenn stíga á stokk og alþýðumálarar taka upp pensilinn. Nokkrir frábærir sögumenn hafa þegar boðað komu sína. Öllum er boðið að taka þátt í að mála listaverk.

Kynning á Book Space verkefninu.
            Opnuð verður sýning á einstöku vettlingasafni Helgu
            Hansdóttur ásamt fleiri munum úr hennar fórum.

 

Sögusetrið á Hvolsvelli

Lifandi leiðsögn um Kaupfélagssýninguna verður í boði.

Hringur, kór eldriborgara, verður með kaffisölu í Söguskálanum laugardag og sunnudag.

Föstudagur 7. nóvember

Kl. 18:00-20:00            Njáluhlaðborð í Söguskálanum í samvinnu við Hótel Hvolsvöll.

Laugardagur 8. nóvember

Kl. 11:00-17:00            Opið í Sögusetrinu. Aðgangur ókeypis. Ný hljóðleiðsögn fyrir Kaupfélagssýninguna tekin í gagnið.

Kl. 14:00                      Njála, opnun málverkasýningar í Gallerí Ormi eftir Sigurjón Jóhannsson.

Sunnudagur 9. nóvember

Kl. 11:00-17:00            Opið í Sögusetrinu. Aðgangur ókeypis.

Kl. 14:00                      Heimsmynd landnema. Pétur Halldórsson fjallar um heimsmynd landnema í Rangárþingi og bók sína Stærð veraldar.

                                    Hringur, kór eldriborgara, verður með kaffisölu í Söguskálanum.

 

Hótel Hvolsvöllur

Gunnarshlaðborð föstudaginn 7. nóvember kl. 18:00-20:00

Nýtt og gamalt hlaðborð þar sem áhersla er lögð á venjulegan góðan heimilismat

eins og hann gerðist bestur fyrir 10-30 árum síðan.

Lambakjöt, kjötsúpa

Saltkjöt og baunir

Kálbögglar

Svið

Slátur

Skyr og grjónagrautur.

 

Hvollinn Hvolsvelli

Föstudagur 7. nóvember

Kl. 20:00                      Tónleikar í Hvolnum Hvolsvelli. Kór FSu, Tónsmiðja Suðurlands og Djassband Suðurlands.

Hótel Rangá

Villibráðarhátíð

Reyktur lundi á klettasalati, seljurótarsúpa með jarðsveppum og stökkum brauðteningum, villibráðarplatti, fjórar tegundir af villtu kjöti, hreindýr, villigæs, steinseljurót, skógarsveppir, piparrótarmarínerað grasker, bláberja/lakkrís sósa.

Berja „terrine” ískrapi toppað með kampavíni.

Haf og heiði

Lamb og humar, lambahryggvöðvi og humar, borið fram með rösti kartöflum og tómatmauki.

Nautalund, mosaik kartöflur og rótargrænmeti með blóðbergssósu.

Hreindýr, villigæs, steinseljurót, skógarsveppir, piparrótarmarinerað grasker, bláberja/lakkrís sósa.

Gisting.

 

Bókasafn Þykkvabæjar

Sunnudagur 9. nóvember

Kl. 15:00-17:00            Allir velkomnir á bókasafnið í íþróttahúsinu í Þykkvabæ.

Í tilefni af ári kartöflunnar fáum við Hildi Hákonardóttir í heimsókn og les hún úr bók sinni Blálandsdrottningin og fræðir gesti um upphaf kartöfluræktar á Íslandi.

Gestum boðið upp á kaffi og bakkelsi úr kartöflum.

  

Heklusetrið Leirubakka

Heklusýningin er opin alla helgina, frír aðgangur.

Þá verða veittar upplýsingar um eldgos í Heklu frá landnámsöld til nútímans og sagðar þjóðsögur tengdar Heklu.

 

Veitingahús Heklusetursins er einnig opið alla helgina, þar sem boðið er upp á ljúffenga rétti úr Rangárþingi: Silungur úr Veiðivötnum, lambakjöt af Landmannaafréttir og margt fleira.

 

Minnum einnig  á að Hótel Leirubakki  er opið alla daga, nýtt, glæsilegt hótel.

 

Vestmannaeyjar. Safnahelgin í Eyjum

Föstudagur 7. nóvember

Kl. 18:00                      Skansinn. Stafkirkja. Séra Kristján Björnsson setur hátíðina.

Tónlistaratriði  - Gerður Bolladóttir syngur.

Kl. 18:00                      “Stíll 2008 - Framtíðin” undankeppni. Í sal Barnaskólans. Keppni félagsmiðstöðva í fatahönnun, förðun og hárgreiðslu.

Kl. 20:00                      Fiska- og náttúrugripasafn: Opnun á sýningunni „Sambýli manns og lunda.”

                        Afhending verðlauna í hugmyndasamkeppni um pysjuhótel.

Laugardagur 8. nóvember

Kl. 12:00-18:00            Verðmætamat bóka – bókin þín verðmetin.

Ari Gísli Bragason, er ásamt föður sínum, Braga Kristjónssyni á og rekur fornbókasöluna Bókina, og Valdimar Tómasson sérfræðingur og safnari munu ásamt forstöðumanni Bókasafnsins meta bókina þína – til fjár og til verðmæta. 

Kl. 12:00-18:00.           Bókamarkaður. Allar bækur á 100 kr.

Samstarfsverkefni fimm almenningsbókasafna á Suðurlandi um verkefnið Book Space.

Verkefnið hefst á Safnahelgi og felst í því að hvert bókasafn (þ.m.t. Bókasafn Vestmannaeyja) fær 200 bækur (200 bls. hver bók) sem unnt er að fá léðar til útláns. Bækurnar eru ólíkar venjubundnum bókum að því leyti að þær eru auðar og notendur mega skrifa, teikna, líma eða hvað annað inn í bækurnar. Verkefnið stendur til áramóta, þá verða bækurnar sendar til síns heima sem vitnisburður samtímans.

Kl. 13:00                      Safnahús

Andyri Safnahúss. Sigurdís Arnardóttir opnar myndlistasýningu – Guðrún Eva Mínervudóttir les úr nýrri bók sinni.

Samstarfsverkefni Bókasafnsins og ættingja Ingólfs Guðjónssonar.

Kári Bjarnason og Guðjón Hjörleifsson kynna í samstarfi við ættingja og vini Ingólfs stofnun sérstakrar Ingólfsstofu á Bókasafninu. Þar verður bókasafn Ingólfs vistað ásamt öðrum munum úr eigu hans.

Kl. 14:00                      Bókasafn

Guðjón Friðriksson: Ævisaga Ólafs Ragnars Grímssonar forseta.

Ólafur Gunnarsson: Dimmar rósir, skáldsaga.

Auður Jónsdóttir: Vetrarsól, skáldsaga

Kl. 16:00                      Betel

                                 Lúðrasveit Vestmannaeyja: Styrktartónleikar.  

Kl. 18:00                      Sjómannasögur – Sjóminjasafn  Þórðar Rafns á Flötum.

Kl. 21:00                      Herjólfsbær:  Hallgrímur Helgason og Einar Kárason  lesa úr nýjum bókum sínum.

Kl. 22:00                      Tónlistarkvöld á Kaffi Kró frá kl. 22:00.

 

Sunnudagur 9. nóvember

Byggðasafn kl. 14:00

Ásmundur Jónsson framkvæmdastjóri Smekkleysu kynnir nýja diska sem eru að koma út. Jafnframt verður sýning á eldri diskum Smekkleysu í anddyri Safnahússins.

Samstarfsverkefni Bókasafnsins og Söguseturs. Skáldskapur 17. aldar.

Úlfar Þormóðsson kynnir og les úr nýrri skáldsögu sinni sem byggir á ævi sr. Hallgríms Péturssonar.

Sjón kynnir og les úr nýrri skáldsögu sinni sem byggir á ævi Jóns lærða.

Sýning sett upp og smádagskrá umfram það sem að ofan getur að líta.

KL. 16:00                     Fiska- og náttúrugripasafn

                                    Erpur Snær Hansen “Vöktun sjófugla”.

 

Bókasafn opið laugardag 12:00-18:00

Fiska- og náttúrugripasafn opið laugardag og sunnudag  14:00-17:00

Byggðasafn opið sunnudag  kl. 14:00-17:00

Sjóminjasafn Þórðar Rafns  opið sunnudag  kl. 15:00-17:00

Café María  Vestmannaeyjum

Forréttur: Þorskhnakkar á blómkálsmús með kampavínssósu.

Aðalréttur: Heimaeyjarlambafillet með humri, grænmeti og villisveppasósu.

Fjólan  Vestmannaeyjum

Tilboð:

Lambafilé

Heimalagaður rjómalíkjörsíd.

Skötuselur að hætti hússins.

 

Kaffi Kró Vestmannaeyjum

Tyrknesk helgi.

Arnór bakari Vestmannaeyjum

Í matar- og brauðkistu Arnórs bakara er að finna vörur sem framleiddar eru eftir uppskriftum, aðferðum og hefðum frá heimilum Vestmannaeyinga sl. 100 ár. Nöfn vörutegunda eru oftast kennd við húsanöfn, þó sérstaklega þau sem fóru undir hraunið 1973. Í tilefni af Safnahelgi á Suðurlandi bjóðum við upp á:

Vanilluhringi Bubbu frá Ekru  (Ekra stóð við Urðaveg, fór undir hraun).

Súkkulaðikökur Sissíar í Húsavík  (Húsavík stóð við Urðaveg, fór undir hraun).

Hálfmána Erlu frá Brautarholti (Brautarholt stóð við Landagötu, fór undir hraun).

 

Vilbergs kökuhús Vestmannaeyjum

Tyrkjabrauð og Guddumúffur í tilefni af safnahelgi.

 

Lestrarfélag Skeiða- og Gnúpverjahrepps Brautarholti

Föstudagur 7. nóvember Opið kl: 20.00 – 22.00

Kl. 20:00-22:00            Rökkurstund. Safnið kynnt og nýjar bækur.

Upplestur: Frumsaminn texti eftir finnsku skáldkonuna Eeva Kilpi, Halla Guðmundsdóttir les. Hægt verður að fá útrás fyrir listræna hæfileika með því að setja strokur á striga og skapa ódauðleg listaverk.

Heitt á könnunni

Mánudagur 10. nóvember

Kl: 10:00-12:00            Leikskólabörn koma í heimsókn. Upplestur og sögustund úr bókinni ,,Ástarsaga úr fjöllunum” eftir Guðrúnu Helgadóttur.

 

Hótel Hekla

Villibráðarveisla

 

Tré og list listasmiðja Forsæti III Flóahreppi

Ókeypis aðgangur.

Föstudagur 7. nóvember

Kl. 12:00-18:00            Sérsýning á helgimyndum, ekta íkonum og fleiru trúarlegs eðlis.

Laugardagur 8. nóvember

Kl. 12:00-18:00            Sérsýning á helgimyndum, ekta íkonum og fleiru trúarlegs eðlis.

Listakonan Sigga á Grund verður á staðnum með kynningu á listaverki sem hún vinnur að.

Sunnudagur 9. nóvember

Kl. 12:00-18:00            Listakonan Sigga á Grund verður á staðnum með kynningu á listaverki sem hún vinnur að.

Sérsýning á helgimyndum, ekta íkonum og fleiru trúarlegs eðlis.

 

Draugasetrið og Álfa- trölla- og norðurljósasafnið á Stokkseyri

Sérstakt tilboð alla helgina: Tvö söfn á verði eins.

Opnunartími Draugasetursins

Föstudagur 7. nóvember kl. 20:30-22:00  „sérstök kvöldopnun.” Extra draugagangur.

Laugardagur 8. nóvember kl. 13:00-18:00.

Sunnudagur 9. nóvember kl. 13:00-18:00.

Opnunartími Álfa,- Trölla og norðurljósasafnsins

Föstudagur 7. nóvember kl. 18:00-20:30.

Laugardagur 8. nóvember kl. 13:00-20:30.

Sunnudagur 9. nóvember kl. 13:00-20:30.

 

Veiðisafnið á Stokkseyri

Aðgangur ókeypis. Opið kl. 11:00-18:00 alla dagana.

Föstudagur 7. nóvember

Kl. 11:00-18:00            Safnaleiðsögn.

Kl. 14:00-16:00            Drífurnar frá Dalvík – íslenskar haglabyssur smíðaðar af Jóni Björnssyni sem bjó á Dalvík – kynning.

Laugardagur 8. nóvember   

Kl. 11:00-18:00            Safnaleiðsögn.

Kl. 14:00-16:00            Kynning á íslenskum veiðihnífum – Stefán Pálsson hnífasmiður verður á staðnum til skrafs og ráðagerða – sölusýning.

Sunnudagur 9. nóvember

Kl. 11:00-18:00            Safnaleiðsögn.

Kl. 14:00-16:00            Tófuveiðar –  sýning á munum frá Einari Guðlaugssyni frá Þverá og Sigurði Ásgeirssyni Gunnarsholti.

Við mælum með humarsúpu veiðimannsins í Fjöruborðinu. Opið alla helgina.

 

Við Fjöruborðið á Stokkseyri

Hinn sívinsæli matseðill.

Humar og lamb.

Opið alla helgina.

 

Markaður í gömlu hreppsskrifstofunni á Stokkseyri

Nýbakað brauð. Luktir, lampar, kertastjakar, skálar og ýmislegt unnið úr mósaik. Lyklakippur, hálsmen, eyrnalokkar og nælur úr íslensku grjóti. Prjónavörur, sokkar, vettlingar, húfur og peysur. Skálar, könnur og ýmislegt úr leir.

Menningarverstöðin

opið 14-18 alla daga
Hafnargötu 9  Stokkseyri
Elfar Guðni Þórðarson
Vinnustofumyndir - Yfirlitsýning  1974 - 2008 Gallery Svartiklettur 

Byggðasafn Árnesinga og Sjóminjasafnið á Eyrarbakka

Frítt verður í söfnin þessa helgi. Húsið og Sjóminjasafnið verða opin kl. 13.00- 18.00 laugardag og sunnudag.

 

Húsið á Eyrarbakka

Laugardagur og sunnudagur kl. 13:00-18:00

Ljáðu mér eyra! Sýning á grammófónum, plötuspilurum og ýmsum gripum sem fluttu hina evrópsku dægurlagamenningu til landsmanna. Í bláu stofunni.

Faldarnir lyftust og síðpilsin sviftust. Sýning með fágætu safni millipilsa. Sögð er saga þessarar flíkur á tímabilinu frá 1880-1920.  Í borðstofu og dætraherbergi.

Laugardagur kl. 16:00           

„Þau minna á fjallavötnin fagurblá“ - Um dægurlagatexta og samfélag á seinni hluta tuttugustu aldar. Kristín Einarsdóttir, þjóðfræðingur og Ragnheiður Eiríksdóttir (Heiða), tónlistarmaður, flytja saman líflegan fyrirlestur um texta íslenskra dægurlaga. Hvers vegna skjóta sum dægurlög djúpum rótum í þjóðarsálina meðan önnur hverfa í gleymsku? Hvað samfélag birtist í þessum textum? Kristín veltir þessum og fleiri spurningum fyrir sér og Heiða spilar íslenskar dægurlagaperlur á sinn einstaka hátt. Skemmtilegasti fyrirlestur ársins sem engin má missa af.

 

Sjóminjasafnið á Eyrarbakka

Laugardagur og sunnudagur kl. 13:00-18:00

Ný aðföng: Skipasmíðaverkfæri Guðmundar Sigurjónssonar frá Gamla-Hrauni. Í forsal Sjóminjasafnsins.

Sunnudagur kl. 15:00

Hernámsárin á Eyrarbakka. Við byrðing Farsæls segir Óðinn Andersen sögur föður síns Sigurðar Andersen póststjóra og veðurathugunarmanns um hernámsárin á Eyrarbakka. Óðinn segir ýmsar skemmtilegar sögur af samskiptum heimamanna við breska herinn og afleiðingar hernámsáranna fyrir atvinnulífið. Óðinn segir frá forláta tundurdufli sem lagt hefur verið í gætt safnsins. Gestum er boðið upp á söl.

 

Rauða húsið, Eyrarbakka

Íslensk parmaskinka

Humar í potti með Flúðasveppum og paprika

Ölfusárlaxaþynnur

Íslenskt „Crème brule” með jarðaberjum

Innkoma listamanna.

 

Gónhóll á Eyrarbakka

Föstudagskvöld 7.nóvember

Kl. 20:00-22:00           Opnun handverks- og flóamarkaðar. Baðstofukvöld með einstökum Eyrbekkingum og fleiri góðum gestum sem segja sögur og taka í nefið. Í umsjá Árna Johnsen. Kaffihúsið býður uppá heitt súkkulaði og vöfflur ásamt ýmsu góðgæti sunnlenskra húsmæðra.

Þórdís Þórðardóttir opnar myndlistarsýningu og Sigrún Ström opnar sýningu á ljósmyndum.

Laugardagur 8. nóvember

Kl. 14:00-18:00            Ljósmyndasamkeppni unga fólksins. Sigrún Ström leiðbeinir við ljósmyndun á ströndinni. Skráning í Gónhól eða í síma 894 2522.

Áframhaldandi markaðsdagur með áherslu á sunnlenskt grænmeti. Grænmetiskynning og uppskriftir að heilsusamlegum réttum úr matarkistu Suðurlands. Kaffihúsið verður sérstaklega á heilsulínunni og gefur tóninn með nýrri hollustuköku úr íslensku mjöli.

Kl. 20:00                      Laugardagskvöld við sjóinn. Skemmtileg tónlistarveisla í umsjá Jóhannesar Erlingssonar sem er Eyrbekkingur í húð og hár. Hann fær til liðs við sig fleiri snillinga af Bakkanum og við munum gleðjast fram eftir kvöldi við ljúfa tónlist og skemmtilegheit. Pokarnir mega koma með...

Sunnudagur 9. nóvember

Kl. 14:00                      Barnaleikarnir 2008 verða ræstir frá Gónhól. Eyrarbakkaþrautin er skemmtileg þríþraut fyrir alla fjölskylduna í umsjá Alberts Þórs Magnússonar íþróttaþjálfara frá Selfossi. Öll fjölskyldan kemur saman og spreytir sig á hinum ýmsu íþróttum. Skráning í Gónhól eða í síma 894 2522.

Kl. 14:00-18:00            Áframhaldandi markaðstemning. Sunnlenskar sultur í aðalhlutverki, pakkauppboð á jólatorginu. Allur ágóði rennur til stofnunar hagsmunasamtaka Eyrarbakka.

Fjöldasöngur í kaffihúsinu og afhending verðlauna í Ljósmyndasamkeppni og Bakkaleikunum.

 

Tilboð á gistingu og kvöldverði um helgina:

Notalegur kostur fyrir rómantískar stundir við ströndina. Gisting í nýrri íbúð sem er í göngufæri við Rauða húsið þar sem er boðið upp á 3ja rétta tilboðsseðil við kertaljós og ljúfa tónlist

Endalaust gaman á Eyrarbakka.

 

Gallerí Regína á Eyrarbakka

Opið föstudag kl. 13:00-20:00 og laugardag og sunnudag kl. 13:00-18:00
Myndlist, glerlist, trélist, prjónalist og mikið úrval gjafavöru af ýmsu tagi. Jólasteming og heitt á könnuni.
Endalaust gaman á Eyrarbakka.

 

Almenningsbókasöfnin í Árborg

Þema almenningsbókasafnanna í Árborg er í tengslum við Norrænu bókasafnavikuna sem hefst 10. nóvember ,,Ást á Norðrinu”.

·         NÝIR lánþegar fá um safnahelgina og í norrænu vikunni 7.-15. nóvember ókeypis bókasafnskort sem gilda til áramóta.

·         Útlán á allri norrænni tónlist, þ.m.t. íslenskri, verða ókeypis.

        

Bæjar- og héraðsbókasafnið á Selfossi

Föstudagur 7. nóvember. Opið kl. 10:00-22:00

Kl. 20:00          Opnun sýningar í Listagjánni ,,Ástin í ýmsum myndum” þar sem sýnd verða hverskonar ,,verk” frá listamönnum og handverksfólki á öllum aldri í Árnessýslu, sem tengjast ástinni; ástin á landinu, ástin á Norðrinu, móðurástin, ást milli fólks, matarást.....

Kl. 20:30          Book Space Project eftir Elínu Hansdóttur myndlistarmann.  Gestir bókasafnsins geta fengið lánaða ,,óskrifaða” bók heim í ákv. tíma.  Það má teikna, mála eða skrifa í bókina.  Þar með leggur viðkomandi sinn hlut í þróun listaverksins.

Laugardagur 8. nóvember. Opið kl. 11:00-16:00

Listagjáin:  sýningin ,, Ástin í ýmsum myndum.”

Book Space Project – taktu þátt í gerð listaverks !

Kl. 14:00          Sigríður Matthíasdóttir les úr bókinni ,,Ástarsaga úr fjöllunum” eftir Guðrúnu Helgadóttur.  Upplesturinn er hluti af dagskrá Norrænu bókasafnavikunnar.

 

Bókasafn Stokkseyrar

Gimli, Hafnargötu 1, 825 Stokkseyri

Ást og rómantík setja svip sinn á Bókasafn Stokkseyrar

Föstudagur 7. nóvember. Opið kl. 20:00-22:00

Kl. 20:00          Opnun sýningar á verkum nemenda í myndmennt við BES í bókasafninu. 

Sýningin stendur út nóvembermánuð.

Ástarljóð og brot úr ástarsögum verður að finna í Sundlaug Stokkseyrar alla helgina.

  

Bókasafn Umf. Eyrarbakka

Túngötu 40, 820 Eyrarbakka

Ný sýning í sýningarskáp bókasafnsins.

Nýr hillubúnaður sem kom eftir jarðskjálftana sýndur.

Laugardagur 8. nóvember. Opið kl. 13.00-15.00

Kl. 13:00          Tónlistaratriði frá Eyrarbakka. Mummi og Pétur.

Kl. 14:00          Sigríður Jakobsdóttir leikskólastjóri í Brimveri á Eyrarbakka les úr bókinni Ástarsaga úr fjöllunum eftir Guðrúnu Helgadóttur. Upplesturinn er hluti af dagskrá Norrænu bókasafnavikunnar.

Sýning í sýningarskápnum er frá börnum á leikskólanum Brimveri á Eyrarbakka.

 

Kaffi krús Selfossi

Tilboð:

Forréttur: Tom ka bragðmikil kókos kóríandersúpa.

Aðalréttur: Lambainnristeik með appelsínuengifersósu, steiktu grænmeti og timijankartöflum.

Eftirréttur: Döðlukaka með rjóma og jarðaberjum.

Barnahamborgari eða samloka með öllu.

 

Vilbergs bakarí og kökuhús Selfossi

Tyrkjabrauð og Guddumúffur um helgina.

  

Sólheimar Grímsnesi

Opið kl. 13:00-17:00

Kynning á lífrænni ræktun og grænmetismarkaður.

Kaffihúsið Græna kannan.

Verk heimilisfólks til sýnis.

Sólheimakórinn syngur kl. 15:00

 

Skálholt

Skálholtskirkja og safnið í kjallaranum eru opin alla daga frá kl. 9:00.

Aðgangur ókeypis um safnahelgi.

Föstudagur 7. nóvember

Kl. 20:30          Dagskrá í Skálholtskirkju helguð Jóni  Arasyni og sonum hans en 7. nóvember er dánardægur þeirra. Sr Egill Hallgrímsson og dr. Kristinn Ólason flytja erindi.

Glúmur Gylfason spilar á orgelið.

Sunginn náttsöngur.

Gengið um safnið í kjallara kirkjunnar og um göngin.

Blysför að minnisvarða Jóns Arasonar.

Kaffi í Skálholtsskóla í boði staðarins.

Sunnudagur 9. nóvember

Kl. 14:00          Söguganga á Skálholtsstað undir leiðsögn heimamanna.

Kl. 15:00          Kaffihlaðborð Valgerðar biskupsfrúar í Skálholtsskóla.

 

Klettur Reykholti

Laugardagur 8. nóvember

Draugar, druslur og kveðskapur.

Forréttur: Tungufljótslaxasúpa.

Draugasteik og druslumatur.

Hrossakjöt í ýmsum útgáfum.

Eftirréttur: rammíslenskar rjómapönnukökur að hætti tengdó.

Guðjón Kristinsson kveður rímur og sagðar verða rammíslenskar draugasögur.

Sungnar verða druslur sem Tungnamenn eru þekktir fyrir og flestir þeirra kunna.

Sunnudagur 9. nóvember

Kaffi, kleinur og pönnukökur.

Kl. 15:00 kemur Bjarni Harðarson og segir draugasögur.

Söngur: Lögin úr gömlu skólaljóðunum: Henrietta Ósk Gunnarsdóttir og Steinunn Bjarnadóttir.

  

Geysisstofa

Geysistofa / margmiðlunarsýningin verður opin frá kl. 11:00-17:00 þessa helgi.

Frítt verður inn alla helgina og boðið upp á hverasnittur á safninu.

Gestir fá spurningarlista og síðan verður dregið úr réttum svörum. Fyrir hvorn dag fær einn heppinn gestur sent til sín veglegt gjafabréf fyrir hátíðarnar.

Veitingarsalurinn við safnið á Hótel Geysi, býður upp á  „Hefðir úr héraði“ sem verður undir stjórn Bjarka Hilmarssonar, matreiðslumeistara.

Komið verður víða við í Tungunum og lengra upp á fjöll. Kvöld sem enginn ætti að missa af, bæði föstudagskvöld og laugardagskvöld.

  

Hótel Geysir

Hefðir úr héraði.

Reykt gæsarúlla með rjómaosti á sunnlensku haustsalati.

Tungufljótslax á blómkálsmauki með hverabrauðsskel.

Biskupsstungnatómatar í allri sinni dýrð.

Nautasteik með saltkjöti og baunum í hvítkálsböggli, borið fram með kartöflusmælki og blóðbergssósu.

Hleypt mjólk  með rababarakaramellu frá Löngumýri.

Sunnlenskir ostar.

Innkomur listamanna.

 

Lindin Laugarvatni

Sjö rétta villibráðarveisla og sveitaball á eftir.

Borðhald hefst kl. 20:00 en fyrir þá sem ekki koma í mat byrjar ballið kl. 22:10.

Munið að panta borð. Veislusalur nýuppgerður.

Tilboð í október og nóvember:

Allt í steik ásamt bestu Súkkulaðimousse í heimi.

Villibráðatvenna ásamt bestu Súkkulaðimousse í heimi.

Þessum tveimur tilboðum fylgir í forrétt brot að því besta eða:

Íslensk kúskelssúpa ásamt íslenskum berjasorbet.

Þessi tilboð gilda líka fyrir hópa.

Við minnum á Jóla-villibráðarhlaðborð okkar sem byrjar í nóvember

 

Farfuglaheimilið Laugarvatni

Tilboð á gistingu alla safnahelgina.

 

Gallerí Laugarvatn, Laugarvatni

Kertarómantík og jólastemning í íslensku handverki.
Kaffi, kakó og smákökur í boði hússins.
Opið laugard.og sunnud. 13-17.  

Kjöt og kúnst- Heilsukostur í Hveragerði

Fimmtudaginn 6. og föstudaginn 7. nóvember

Fjölskylduvænt hlaðborð með jólaívafi.

 

Hverasvæðið í Hveragerði

Laugardagur 8. nóvember. Opið kl. 16:00–20:00

Uppákoma kl. 17:00–18.00.

Kl. 17:00                      Njörður Sigurðsson sagnfræðingur heldur erindi um hverahitann og nýtingu hans.

Kl. 17:30.                     Linda Gísladóttir syngur nokkur lög við undirleik Ara Einarssonar

Boðið verður uppá  nýbakað Hverabrauð með smjör frá Kjöt og Kúnst.

Sunnudagur 9. nóvember. Opið kl. 13:00–17:00

Fjölskyldudagur.

Fólk getur heimsótt svæðið og börn fengið að sjóða egg í hverunum með aðstoð starfsfólks.

Nýbakað hverabrauð í boði frá Kjöt og Kúnst.

 

Listasafn Árnesinga

Opið fimmtudaga - sunnudaga kl. 12:00-18:00. Aðgangur ókeypis.

Veitingasala. Afþreying fyrir börnin.

Föstudagur til sunnudags kl. 12:00-18:00

Picasso á Íslandi

Picasso á Íslandi er heiti sýningarinnar í Listasafni Árnesinga. Þar er sjónum beint að beinum og óbeinum áhrifum spænska myndlistarmannsins Picasso í íslenskri myndlist og hvernig unnið hefur verið úr þeim áhrifum. Á sýningunni eru verk eftir marga listamenn og þau spanna tímann frá fyrri hluta síðustu aldar til samtímans. Sýningarstjóri er Helgi Þorgils Friðjónsson myndlistarmaður.

Laugardagur 8. nóvember

Kl. 15:00          Spænski gítarinn.

Hörður Friðþjófsson gítarleikari með meiru kynnir spænska gítarinn fyrir gestum, en oft má sjá gítarinn í verkum Picasso. Á safninu verða nokkrir gítarar til sýnis og Hörður mun segja frá byggingu þeirra og leika tónlist, en gítarana hefur hann smíðað sjálfur samkvæmt aldalangri hefð.

Sunnudagur 9. nóvember

Kl. 15:00          Sýningarspjall á sunnudegi

Inga Jónsdóttir safnstjóri ræðir við gesti um sýninguna og skapar umræður meðal þeirra um verkin og markmið sýningarinnar.   

 

Bókasafnið í Hveragerði

Föstudagur 7. nóvember

Kl. 18:00          BOOK SPACE verkefnið eftir Elínu Hansdóttur myndlistarmann hefst í bókasafninu. Fyrstu bækurnar lánaðar út til safngesta sem geta tekið þátt í listaverkinu með því að skrifa, teikna eða mála í bækurnar. M.a. mun Kristján Runólfsson leyfa gestum að heyra eitthvað af því sem hann hyggst bæta við listaverkið. Boðið verður upp á kaffi og konfekt.

Laugardagur 8. nóvember. Safnið opið kl. 11:00-17:00

Kl. 13:30          Dagskrá fyrir börn á öllum aldri þar sem Bjarni Bjarnason rithöfundur les úr nýrri bók sinni Draugahöndinni, Gerður Kristný les úr bók sinni Garðurinn, Arnar Elí töframaður sýnir töfrabrögð og fleira verður til gamans gert. Myndir frá bangsaviku rúlla á skjánum.

Sunnudagur 9. nóvember. Safnið opið kl. 13:00-17:00

Kl. 13:30          Sögustóllinn. Sögumenn setjast í stólinn og segja áheyrendum frá. Fastir sögumenn kl. 13:30, 14:00 og 14:30. Á öðrum tímum er stóllinn laus fyrir þá sem vilja segja frá. Söguefni er frjálst en gaman væri að heyra skemmtilegar sögur úr Hveragerði eða heimatilbúin ævintýri.

Í tengslum við Norrænu bókasafnavikuna sem hefst á mánudag verður sýning á gömlum og nýjum bókum sem hafa að geyma ástarljóð. Gestir geta sett saman klippiljóð um ástina eða hvaðeina sem þeir vilja. Ljóðin verða til sýnis í safninu.

 

Bæjarbóka- og byggðasafn Ölfuss

Opið hús í Ráðhúsi Ölfuss þar sem sýningar verða bæði á Bæjarbókasafni Ölfuss á neðri hæð og sýning Byggðasafns Ölfuss í Versölum á efri hæð hússins.

Föstudagur 7. nóvember

Kl. 20:00-22:00            Bæjarbókasafn Ölfuss: Sýningaropnun á málverkum Ólafar Haraldsdóttur frá Breiðabólsstað í Ölfusi. -  Kaffi og konfekt í boði safnsins.

Versalir: opnun sýningar á völdum gripum í eigu Byggðasafns Ölfuss.   Einnig verður sýnd upptaka af leiðsögn Gunnars Markússonar, fyrrum safnstjóra um sýningu sem sett var upp árið 1991 í tilefni af 40 ára afmæli byggðar í Þolákshöfn.  

Laugardagur 8. nóvember

Kl. 14:00-18:00            Bæjarbókasafn Ölfuss: Málverkasýning í Gallerí undir stiganum. Kynning á Book Space verkefninu. Gestir fá lánaðar auðar bækur sem þeir geta skrifað í, teiknað, límt eða skreytt. Bókunum er síðan skilað og ganga áfram til næsta manns.

                                    Sögustundir á heila tímanum. Lesnar verða gamlar og nýjar draugasögur.

                                    Versalir: sýning á völdum gripum í eigu Byggðasafns Ölfuss

Sunnudagur 9. nóvember

Kl. 14:00-18:00            Bæjarbókasafni Ölfuss: Málverkasýning og kynning á Book Space verkefninu.
Sögustundir á heila tímanum. Lesnar verða gamlar og nýjar draugasögur.

                                    Versalir: sýning á völdum gripum í eigu Byggðasafns Ölfuss.

Kl. 20:00                      Tónleikar í menningarsögulegu umhverfi. Í Versölum þar sem stendur yfir sýning á munum Byggðasafnsins, heldur Ómar Guðjónsson, gítarleikari tónleika ásamt þeim Matthíasi M.D. Hemstock á trommur og Þorgrími Jónssyni á kontrabassa.

Aðgangur er ókeypis á tónleikana.

 

Ráðhúskaffi, Þorlákshöfn

Opið föstudag 7. nóvember kl. 10:00-20:00

laugardag 8. nóvember kl. 14:00-20:00

sunnudag 9. nóvember kl. 14:00-20:00

Sjávarfang með jólaívafi

Koníakslöguð humarsúpa

Súkkulaðikökur með ís og jarðaberjum.

 

Hellisheiðarvirkjun

Föstudagskvöldið 7. nóvember  

Kl. 21:00          Bjarni Harðarson alþingismaður segir frá draugum og yfirnáttúrulegum verum sem búa á Hellisheiði og Hengilssvæðinu eða hafa átt leið um svæðið.

Laugardagur 8. nóvember

Kynning á uppgræðsluverkefnum og útivistarmöguleikum á Hellisheiði og á Hengilssvæðinu. Leiðsögn um virkjunina.

Sunnudagur 9. nóvember

Kynning á uppgræðsluverkefnum og útivistarmöguleikum á Hellisheiði og á Hengilssvæðinu. Leiðsögn um virkjunina.

Kl. 13:00          Rútuferð frá Hellisheiðarvirkjun um Hellisheiði með leiðsögumanni. Ekið verður frá virkjuninni og upp á heiði. Þá verður  gengin forn þjóðleið frá þjóðveginum í átt að Hellisskarði og tekur sú ganga u.þ.b. 1 klst. Þaðan er ekið upp á Skarðsmýrarfjall og síðan í Hellisheiðarvirkjun.

Kl. 15:00          Rútuferð endurtekin.

Frír aðgangur og rútuferð.

  

Bæjar- og héraðsbókasafnið á Selfossi

Bókasafnið í Hveragerði

Bókasafn Vestmannaeyja

Bæjarbókasafn Ölfuss í Þorlákshöfn

Héraðsbókasafn Rangæinga á Hvolsvelli

Book Space Project eftir Elínu Hansdóttur  myndlistarmann í Reykjavík og Berlín.

Sameiginlegur dagskrárliður sem stendur 7. nóvember - 31. desember 2008.

 

200 ,,óskrifaðar" bækur verða til útlána í hverju þessara bókasafna.  Lánþegar fá bækurnar að láni í umsaminn tíma og mega teikna, lita, mála eða skrifa í bækurnar og skila þeim svo aftur í bókasafnið. Lánþeginn leggur þar með sinn hluta í þróun listaverksins. Nánari upplýsingar Elínar Hansdóttur um verkið:

Hugmyndin að verkinu kviknaði fyrir Evrópuhátíð sem haldin var í Hamborg 8-13 maí 2006. Ég var beðin um að taka þátt í gegnum stofnunina Alfred Toepfer Stiftung (www.toepfer-fvs.de), sem veitti mér námsstyrk árið 2005. Fyrir hátíðina hafði stofnunin gert samkomulag um samvinnu við 3 opinber bókasöfn í Hamborg.Tillaga mín fyrir bókasöfnin var samþykkt, en verkið samanstóð af 1000 hvítum innbundnum bókum (200 bls. hver bók), sem hægt var að fá lánaðar í eina viku í senn. Fólki var frjálst að "nota" þær eins og það vildi, hvort sem að það skrifaði eitthvað í þær, teiknaði eða límdi. Hugmyndin er sú að með tímanum verði bækurnar sífellt fleiri, en ég bind vonir mínar við það að eftir um 15-20 ár verði þær 15.000 talsins. Ég lít á þetta sem langtímaverkefni, þar sem að fleiri og fleiri bókasöfn víða um heiminn taka þátt. Bækurnar koma einhvern tímann til með að vera samansafn hugmynda/skoðanaskipta og tjáningar þeirra landa sem þær heimsækja, eða einskonar lifandi þjóðsaga okkar tíma. 

Nú hafa 1000 bækur verið til útlans í þremur bókasöfnum í Hamborg, einu í Berlín og næst halda þær til Belgíu. Aðrar 1000 hafa verið til útláns á Íslandi síðan um haustið 2007. Bókasöfnin sem nú þegar hafa tekið þátt eru Borgarbókasafnið í Reykjavík, bókasafn Listaháskóla Íslands og Þjóðarbókhlaðan. 

Sögulegur sigur - miklar væntingar

Þótt kannanir hafi bent til þessarar niðurstöðu voru þeir margir sem trúðu henni ekki fyrr en hún var orðin að veruleika. Barack Obama vinnur þarna sögulegan sigur sem mun breyta ímynd Bandaríkjanna hratt til hins betra. Nú tekur hann við með gríðarlegar væntingar fólks enda sagði hann strax í ræðu í nótt að það muni taka meira en ár og kannski meira en heilt kjörtímabil að ná breytingum og framförum í gegn. Þetta var skynsamlega mælt enda eru viðfangsefnin erfið og tröllaukin. Vonandi verður kjör hans lóð á vogarskálar bjartsýni í heiminum.

Obama kjörinn forseti

Yfirveguð ákvörðun

Bankahrunið snertir alla beint og óbeint. Fámennið gerir þetta enn vandasamara. Það hefur sjaldan verið eins mikilvægt að rannsókn og skoðun sé hafin yfir allan vafa. Bogi Nilsson hefur sýnt hér frumkvæði sem eftir er tekið. Skiptir hér minna máli hvort raunveruleg hætta á hagsmunaárekstrum hafi verið á ferð. Bogi rekur aðdraganda skýrsluvinnunar og telur að hingað þurfi að koma óháðir endurskoðendur "forensic auditors" að verkinu með tilliti til ummæla ráðherra um rannsókn.

Rökstuðningur Boga er yfirvegaður og meitlaður en í lokinn minnir hann á almennan rétt borgaranna til að kæra mál til lögreglu, ákæruvalds eða FME.

Nú er að sjá hvernig framvindan verður.

Bogi Nilsson hættir

Sögulegar kosningar - miklar breytingar

Óvissutímar eru víðar en á Íslandi þótt viðsnúningurinn sé einna mestur hjá okkur. Óánægja er mikil með hvert Bandaríkin eru að fara og nú stefnir í sögulegan sigur Barack Obama sem næsta forseta þar í landi.

Ef svo fer sem horfir verða þetta tímamót sem marka breytta ásýnd Bandaríkjanna ekki síst í utanríkismálum. 

Óánægja á Íslandi mun líka hafa sín áhrif á pólítíkina. Annað hvort breytast flokkarnir eða jafnvægi þeirra raskast verulega. Nú verða menn að skoða sinn gang og skoða málin upp á nýtt. 

Obama sigraði í Dixville